Xehetasunak



Egilea argitalpen mundu berrian’ III Jardunaldiko bideoak gure YouTube kanalean ikusi daitezke.

Bi minutuko luzera duen laburpen bideo bat egin da ekitaldiko momentuak jasoz.

Eskuragarri dauden gainontzeko grabazioak, pasa den irailaren 16an ‘Egilea argitalpen mundu berrian’ III Jardunaldiaren baitan egin ziren saio guztiei dagozkienak dira, programaren ordenari jarraituz.

Xehetasunak


Bildutako diru guztia Cita-Alzheimer Fundaziora emango da

Pasa den asteartean, irailak 20, Para el Maestro ongintzazko liburua finantzatzeko mikromezenasgo kanpaina hasi zen. Obrak, 16 idazleren argitaratu gabeko ipuin sorta bat biltzen du eta haiekin Sir Terry Pratchett idazle britainiarra omendu nahi da.

Sir Terry Pratchett atzealdeko atrofia kortikala diagnostikatu ondoren hirl zen, oso Alzheimer mota bortitza alegia, eta oso adin goiztiarrean jasan zuena gainera. Horregatik, kanpainaren mozkinen %100 Cita-Alzheimer fundazio gipuzkoarrari emango zaio.

Xehetasunak

Pasa den ostiralean, irailak 16, ‘Egilea argitalpen mundu berrian’ III Jardunaldia egin zen Bilbon, Euskadiko Idazleen Elkarteak (AEE/EIE) antolaturik. Aforoa ia bete zen Azkuna Zentroa-La Alhóndigan argitalpen munduari loturiko profesional askorekin, egile, argitaratzaile, liburu saltzaile, agente eta beste adituen artean. Jardunaldia streaming bidez eman zen Elkartearen web orrialdean. Aurkezpena Jöel López idazle eta kazetariak egin zuen.


Liburuaren, irakurketaren eta argitalpenaren munduak jasaten ari dituen eraldaketak ulertzeko asmoz, argitaratzeko modu berriei buruzko eta irakurketaren ohitura eraldatzen ari duten indar ekonomiko eta sozialei buruzko informazioa mahai-gaineratu zen, bai eta argitalpen merkatuen errealitatea, autoargitalpena, online gomendioetan adimen artifizialaren eragina, liburu denda fisikoen paper berria, liburuen salneurriaren garrantzia merkatu digital berrian eta berrikuntza guzti hauek eragiten ari dituzten negozio eredu berriei buruzko informazioa ere.

Jardunaldia amaitzean irekita geratu ziren eztabaida ildo izan ziren sei indar-ideia nabarmentzen ditugu:

  1. Autoargitalpena gorantza doan fenomenoa da bai eta egilea zirkuitu komertzialetan sartzeko sarbide argia. Bere dinamikak, liburuaren kate tradizionalaren maila batzuen erliebe aldaketa baieztatzen ari du. 

  2. Bai egileak bai argitaratzaileak ere, liburuari loturiko komunikazio kanpaina on bat diseinatzen saiatu behar dute liburuaren ikusgarritasuna bermatzeko. Gai honi konponbidea ematea funtsezkoa da liburuarentzako aisialdi teknologikoak ordezkatzen duen konpetentzia errealari aurre egiteko.

  3. Argitaratzaileek kontziente izan behar dute ezinbestekoak direla bere gida lanarekin jarraitzeko gehiegizko eskaintza honen artean. Horretarako, bere apustuak birplanteatu beharko dituzte bai arlo digitalean bai paperezkoan ere, bere estrategia komertzialak berrikusi salneurriei dagokienez, bere formatua dena delakoa ere liburuen errentagarritasuna kontutan izanda eskaera sustatzeko.

  4. Liburu denda fisikoaren etorkizuna aldaketan moldatzean datza, nahiz eta dendentzako garrantzitsuagoa izan bere bezeroak leial bihurtu, zeharo digitala den estrategia batean pentsatu ordez.

  5. Egile mota ezberdinak daude eta, beraz, bete beharreko beharrak ere ezberdinak izango dira. Gainera, denek ez dute merkatuaren onespena bilatzen ez eta ospea ere. Edozein kasutan, ikusgarri izateko lehen pauso moduan, idazleek bere testuen lantze lana zaindu behar dute.

  6. Irakurle berriak bilatzeko adimen artifizialaren (algoritmoak) erabilera argitalpen merkatuaren barruan joera argi moduan agertu da. Big dataren kudeaketa zuzen bat ezinbestekoa bilakatu da paradigma berrian.

Xehetasunak



Hamalau hizlari elkartuko dira Bilbon liburuaren eta argitalpenaren munduak bizi duen egungo panoramari buruzko bere ezagutza elkar banatzeko.

Bihar, irailak 16 egingo den ‘Egilea argitalpen mundu berrian’ III Jardunaldian argitalpen digitalari dagokionez mundu mailako erreferente ugarik hartuko dute parte, hala nola Michael Bhaskar, La máquina de contenido (FCE, 2014) liburuaren egilea; Rüdinger Wischenbart austriarra, The Global eBook Report urtekariaren egilea; eta Luis Collado, Google Play Books Espainia, Portugal eta Ekialde Ertainerako zuzendaria. Programa mahai inguru ugarirekin osatzen da, non idazlearen figuraren inguruan arituko diren bai eta bere sorkuntza prozesuan nola eragiten dioten paradigma berrian ikusten ari diren joera berriak.

Ekitaldia 9:30etan hasiko da Azkuna Zentroa-La Alhóndigan.


El evento dará comienzo a las 9:30 h. en Azkuna Zentroa-Hasiera.

Gure web orrialdetik sesioak streaming bidez jarraitzeko aukera jarri dugu. Halaber, Euskadiko Idazleen Elkarteko Twitter profiletik (@AEEEIE) Twitter bidezko emankizuna burutuko da. Traola honakoa da: #autor16



Xehetasunak


Filosofo eta saiogilea teknologiak idazleegan duen eraginari buruz María Eugenia Salaverri AEE/EIEko presidentearekin elkarrizketatuko da

Bilbok irailaren 16an egingo den ‘Egilea argitalpen mundu berrian’ III Jardunaldiaren hirugarren edizioaren amaierak tertulia forma edukiko du. 17:30etatik aurrera, Fernando Savater idazleak eta María Augenia Salaverri idazle, zinemagile eta Euskadiko Idazleen Elkarteko (AEE/EIE) presidenteak auditorioarekin haien hausnarketak elkarbanatuko dituzte liburuaren eta argitalpenaren munduan bizi den eraldaketaren inguruan bai eta paradigma aldaketak idazlearen eguneroko lana nola aldatu duen ere.