Xehetasunak

 

Vitoria-Gasteizen poesia hedatzea da “Poetak Maiatzean” II. Nazioarteko Poesia-Jaialdi honen helburua, eta hiriaren
esku-hartzearekin eraikiko da (Vitoria-Gasteizko Udalak, Arabako Foru Aldundiak eta Eusko Jaurlaritzak babestuta eta Elisa Ruedaren zuzendaritzapean).

Poesia eskolan, unibertsitatean, liburutegietan, museoetan, kaleetan, komunikabideetan, tabernetan,lore dendetan, merkataritza-guneetan Gizarte Etxeetan, hiriko toki enblematikoetan, hala nola Etxarteetan, Andre Maria Zuriaren plazan, Monterhermosoko eta Eskoriatza-Eskibeeko jauregietan, Harresietan, Kordoi Etxean, Museoeta Arte eta
Lanbide eskolako liburutegian, Ignacio Aldekoa kultur Etxean, Erdi Aroko hiriguneko Agoran, Artium, Bibat, Matxete plazan, Santa Katalina lorategi botanikoa (Iruña Oka)...

Xehetasunak


Eta taberna batean apustua eginda Amerika deskubritu zutenak bilbotar azkar batzuk balira? Premisa honekin abiatzen da  ‘Bilbao, 1492 ¡No hay huevos!’, Luis Bañeres (Durango, 1965) idazlearen “ganberrada” berria. Umorearen maisu honek bere bigarren liburuan ‘Deskubrimendua’ren inguruko ikuspegi partikularra proposatzen digu, satiraz eta intrigaz josia.

- Trama ez da nolanahikoa. Cristobal Colon bidaia historikoa ari da prestatzen 1492an…

- Urte horretan Bilbo osatzen ari da Lurraren inguruko teoria berriez astindutako Europaren baitan; Lurra laua dela dioten tesi ofizial eta kontserbadoreak hankaz goratzera datozen teoriak ari dira loratzen. Testuinguru horretan istorio bi planteatzen ditut: bata, bilbotar batzuek bidaiari heltzen diotela tabernan egindako apustua dela-eta; bestea, zeinean Colon, horrekin arduratua, bilatzen duen arrakasta galtzeko zorian dela ikusita, bidaia hori saboteatzeaz arduratzen den.

Elkarrizketa osoa.

Xehetasunak

"Errealena fantasia da", dio José Serna Andrések Tele 7 katean argitaratu berri duen bere  'El rey del tiempo' nobelaren inguruan egin dioten elkarrizketan. 'El rey del tiempo' paradisu utopiko bat helmuga duen iniziazio-bidaia da; paradisu horretan denbora eta espazio erreala, denbora eta espazio fantasiazko batekin nahasten da. Denbora errealaren igarotzeak giza ekimenen ontasuna eta benetakotasunarekin zerikusia du. Mundu erreala eta mundu fantastikoaren harremanean erlojuak bizidun bilakatzen dira eta denboraren mekanismoa mugiarazteko gai diren baloreekin ezartzen dute harremana.


Elkarrizketa hemen ikus dezakezu.

Xehetasunak

Mila Beldarrain idazleak esan bezala, “ 'Corisanda de Baigorri' liburuak, bere protagonistak Enrike III Nafarroakoa eta IV. Frantziakoarekin duen maitasun abenturatik haratago, munduko paria guztien historia kontatzen du eta, batera, Lurreko boteretsuen historia, Nafarroarena eta Europa Modernoaren abiapuntuaren historia ere bada”.

Beldarrainek dioenez, ez du “historia zaharkitu eta disekatu bat” islatu nahi izan. Nahiago izan du “iragana orainetik eta oraina iraganetik ulertzea”. Nobela 1572. urtean kokatzen da, alegia, “monarkia absolutuen itzalpean estruktura sozial berri bat jaiotzen ari den garaian. Aldaketak berehala sumatuko dira. Nobleek eta goi mailako burgesek pastelaren euren zatia aldarrikatzen dute eta, banaketa berri horretan, pentsatzekoa da zer egokituko zaien herri xeheari, nekazariei edota agotei”.

Beldarrainek berak adierazi du liburu hau idazte asko disfrutatu duela. "Hainbat episodioetan asko barre egin dut; hartara, amaierara heldu eta azken puntua jarri nuen unean pena handiz esan nien agur pertsonaiei”.

Liburua Ttarttalo argitaletxean