Xehetasunak


Liburuaren aleak Gipuzkoako ikastetxe publikoetan eta liburutegietan banatuko dira Energia-olatuak programari esker

Las aventuras de Kanide-ren bigarren alea, La ceremonia del fuego izenburua daramana, Iñaki Sainz de Murietak idatzi du eta Miguel Berzosaren marrazkiak daramatza eta aurki liburu dendetan egongo da. Kanide txiki eta maitagarriaren bizitzari buruz pixka bat gehiago erakusten du. Irakurle gazteenek Kanide bizi den herrixka hobeto ezagutzeko aukera izango dute bai eta hain garai liluragarri bezain ezezagun batean, aurrehistorian alegia, komunitatearen bizitzan zeuden jarduerarik garrantzitsuenak ezagu ere. Ehiza eta antzinako errituak gai garrantzitsuak dira bigarren zati honetan.

Obra Verbum Argitaletxeko haur katalogoaren barruan dago.

Xehetasunak

 
Idazle nafarrak Historian zehar hitza ikertu du gatazkaren tresna eragile moduan 


Javier Minak Libros para la guerra aurkeztuko du datorren ostegunean, azaroak 17, 19:30ean Donostiako Lagun liburu dendan.

Liburuak armen atzean dagoen hitza ikertzen du, dela harenga moduan, dela diskurtso, saiakera burutsu edo fikzio pieza moduan. Minak, gerra sortzeko sortu diren literatura edo ikono sugarriak bilatzen ditu, direla modu generikoan hauek, propaganda bidez gatazka jakin bat eraginez, edo dela gerra-pizte zehatzen ondorioz sortutakoak, hala nola Periklesen diskurtsoak, Gurutzadetako bulak edo Suntsiketa Masiborako Arma zorigaitzak.

Gatazka armatuak eragiteko edo elikatzeko erabili izan diren iturri dokumentalak erabili ditu egileak. Gizadiak hamaika gerratatik pasa da eta, bere iritziz, denen atzean gorroto, mendeku, botere gurari edo lapurreta nahi potentzial metatuak egon dira, horiei sumin erlijioso edo ideologikoak gehituz.

Liburua Berenice argitaletxeko saiakera bilduman argitaratu da.

Pasa den igandean El Diario Vascok elkarrizketa bat eskaini zion Roberto Herreroren eskutik eta hemen deskargatu daiteke ere.

 

 

Xehetasunak


Ramóm María del Valle-Inclánen jaiotzaren 150 urteurrenean, Valle-Inclán: XX mendeko Antzerki Berria izenburua daraman mahaingurua egingo da Donostian, abuztuaren 31 hitzaldi aretoan (Abuztuaren 31 kalea, 36). Hitzordua datorren ostegunean izango da, azaroak 17 19;30ean eta Gipuzkoako Ateneoak antolatzen du.

Juan Aguirre Sorondo (kazetaria) moderatzaile moduan arituko da eta hizlariak Kike Díaz de Rada (aktorea) eta Javier Gil Díez-Conde (dramagilea) izango dira.

Xehetasunak


Eleberria Luis Miguel Sainz Pezonagak itzuli du

María José Mielgo Busturiak zuzentzen duen Literarte Editorial argitaletxeak Juan Manuel Marcosen Gunterren Negua sartu du berriki bere katalogoan. Eleberria Luis Miguel Sainz PEzonagak itzuli du euskarara eta datorren asteartean, azaroak 8, aurkeztuko da Cámara liburu dendan (Euskalduna 6, Bilbo), 19:30ean.

Ekitaldian María José Mielgo Busturia (argitaratzaile eta idazlea), José Antonio Alonso Navarro (Filologia Ingelesean doktorea) eta Luis Miguel Sainz Pezonagak (itzultzailea) hartuko dute hitza.

Xehetasunak


Trama y Texturas aldizkaria hamar urte bete dituen liburuaren unibertsoaren inguruko eztabaida eta analisirako espazioa da

Trama Editorial lau hilabetez behin plazaratzen den Trama y Texturas aldizkaria argitaratzen duen argitaletxea da eta gaur liburuaren, irakurketaren eta argitalpenaren munduan dagoen edozein profesionalentzat erreferente argia da. Izenburu honen hamargarren urteurrena dela eta, argitaletxeak Euskadiko Idazleen Elkarteko (AEE/EIE) bazkideentzako eskaintza berezia egin du, hurrengo hiru aleak etxean jasoko dituztelarik %25 baino gehiagoko deskontuarekin. Aleak 33€ kostatuko du 45€ izan ordez. Halaber, Tramak bere katalogoa osatzen duten liburuetan erail daitekeen %25eko deskontua eskaini du ere.