Xehetasunak

Jesús María Sáezek (Txusmi Sáez) bere azken liburua plazaratu berri du, “Cómo publicar un libro sin morir en el intento”, bertan autoargitaratutako egile moduan duen zortzi urtetako esperientzia eskainiz, bere eskuizkribuak plazaratu nahi duen edonoren zerbitzura jarriz liburu berri hau. Argitalpena  Kindle en bitartez eta Txusmiren web orrialdean eskuratu daiteke.

Zure eskuizkribu amaitu berria eskuetan duzu eta ez dakizu argitaratzeko zein pauso jarraitu?

Zure esfortzua alferrikakoa izango denaren beldurragatik eta dirutza kostatuko zaizula uste duzulako erabakia atzeratzen ari al zara?

Kasu horretan irakurketa hau zuretzako aproposa izango da...

Txusmi Sáez idazlea, artikulugilea, irrati esataria eta egile espainiarra da, eleberri beltzean, poliziakoan eta ekintza thrillerretan espezializatua (nahiz eta sarritan umorea eta haur literatura jorratu ere), eta duela zortzi urtetatik hona Amazonen autoargitaratzen du. Bere argitalpenen artean "Siberia", "Kazajistán" eta “Moscú” bezalako obrak daude, honakoek Europa Ekialdeari buruzko bere trilogia osatuz eta arrakasta komertzial nabarmena edukiz (‘Siberia’ liburua Amazonen gehien saldutako liburua izatera iritsi zen eta ‘Kazajistán’ 2021 Euskadi Literatura Sarirako aukeratu zuen epaimahaiak). Horietaz gain, beste argitalpenen artean, genero beltz eta poliziakoko bi eleberri idatzi ditu, "Poniente" eta "Pandora" (azken hau Juan Gómez-Juradok berak gomendatuz bere Twitter kontu pertsonalean).

Liburu honek ez du makiltxo magikoa izateko asmorik, ez eta promesa faltsuen bitartez kerik saldu nahi ere. Modu informalean eta doinu atsegin eta dibertigarriarekin hemen azaltzen dena zera da, gure liburua ikusgai egotea nahi badugu eta irakurriko dituen publiko potentzial bati zuzentzea nahi badugu planteatu beharreko pausoak eta baldintzak. Salmenta estatistikak azaltzen dira, erabili ditzakegun teknikak, aholku baliotsuak irakasten dituzten web orrialdeetara estekak, sormen prozesuak bai eta adituek gomendatzen dituzten zenbait marketin teknika ere... Funtsean liburu honen barruan dagoena egilearen beraren esperientzia da, bai eta hala nahi dutenekin elkar banatzeko bere gogoa.

Hala ere, gogoratu liburu baten kalitatea zure esku dagoela, nola idazten duzun araberakoa izango da, nola kontatzen duzun araberakoa, zure istorio eta zure kolaboratzaileek duten interesaren araberakoa. Hemen laguntza aurkituko du, baina zurea da eskuizkribuaren gaineko lehen eta azken hitza. Zorte on.

Eskerrak eman nahi dizkiogu Txusmi Sáezi bere esperientzia gurekin elkar banatzeagatik eta egile berrien argitalpen lana errazteagatik, eta arrakasta handia opa diogu liburu baliagarri honekin.

 

Xehetasunak

Urriaren 6tik 18ra Iruñeko 72-22 Topaketak egingo dira Iruñean, Ramón Andrés idazleak zuzenduriko programarekin. Hamahiru egunetan zehar lehen mailako ehun pentsalari eta artista baino gehiagok mundu garaikidearen erronkei helduko diete, horretarako elkarrizketa, sormena, filosofia, arteak, literatura, musika eta zinema erabiliz.

Diziplina anitzeko ekitaldi honek programazio sendoa du: 27 elkarrizketa, mahai inguru eta hitzaldi, bost sorkuntza tailer eta 35 jarduera artistiko, hala nola musika garaikideko kontzertuak, dantza, emanaldi eszenikoak, musikalak, zinema proiekzioak eta erakusketak.

Nafarroako Gobernuak sustaturiko Topaketa hauek Iruñeko 72 Topaketen Urteurrenean oinarritzen dira eta  Baluarte Fundazioak, Iruñeko Udalak eta Nafarroako Unibertsitate Publikoak antolatzen dituzte, La Caixa Fundazioaren laguntzarekin.

Nazioartean erreferentziazkoak diren ia ehun pertsonalitate eta egileren presentzia aurreikusi da, horien artean pentsamendu, arte, zinema, literatura eta musika garaikidearen erreferente ugari nabarmentzen direlarik, horiek guztiek herritarrekin elkarrizketan aritu eta jarduera ezberdinak planteatuko dituztelarik.  Svetlana Aleksiévich Literatura Nobel saria; pentsamenduan gako diren figurak, esaterako Peter Sloterdijk, Massimo Cacciari, Pascal Bruckner, Adriana Cavarero, Donatella Di Cesare, Yuk Hui, Hartmut Rosa, David Rieff, Cynthia Fleury, László F. Földényi y Carolin Emcke; Ana Blandiana, László Krasznahorkai, Anne Waldman eta Luisa Etxenike bezalako egileak; Sergei Loznitsa, Victor Kossakovsky, Pedro Costa, Paz Encina eta José Luis Guerin zinemagileak; Salvatore Sciarrino, Hilda Paredes, Teresa Catalán eta Tomás Marco konpositoreak, bai eta lehen mailako artistak ere, hots Graciela Iturbide, Esther Ferrer, Eva Lootz, Eve Sussman y Frederic Amat, kultura nazionaleko eta nazioarteko beste figura askoren artean.

Programa osoa esteka honetan ikus daiteke.

Ekitaldi guztietarako sarrera doakoa da, aurretik gonbidapena eskuratuz, gauetan egingo diren jarduera artistiko batzuk salbu, horiek salneurri murriztua edukiko dutelarik.

 

Xehetasunak

Atseginez iragartzen dizuegu Gorka Artaza idazlea Euskadiko Idazleen Elkartera batu zaigula.

Bartzelonan jaioa, Getxo hazia eta gaur egun Plentziako bizilaguna, kazetaria eta podcasterra da ogibidez eta komunikazio munduan egiten du lan.

Literatura munduan 2021 urtean hasi zen, 'El sótano' beldurrezko kontakizuna formatu digitalean argitaratuz, aurretik Interneten atalka plazaratu ondoren.

Oso berriki, 2022ko abuztuan, bere lehen eleberria plazaratu berri du, "Yo salvé a la reina de Inglaterra", abentura eroa eta 2022ko irailean egindako bere aurkezpena, modu ironikoan, erreginaren heriotzarekin batera etorri delarik.

Patuaren gauzak direla eta, gaurkotasun beteko obra honi buruz gehien nabarmenduko lukeena laburbiltzea eskatu diogu egileari berari. Honakoak izan dira bere hitzak: “Yol salvé a la reina de Inglaterra” umore absurdoan oinarritzen den eleberria da eta Primogénito Pérezen istorioa eta bizipenak kontatzen ditu, Madrilgo langile-auzo batean hezi eta lan gorabehera ugariren ondoren, itsasoratzeko erabakia hartzen duen gaztea alegia. Bere abenturek leku ezberdinetara daramate, horien artean Bilbora, bai eta pertsonaia ezberdinak ezagutzera ere, azkenean Elizabeth II beraren bizitza jokoan jarriko duen misio batean bere burua nahasirik aurkitu arte. Genero bakar batean ere tokirik ez duen eleberria, baina aldi berean denetan egon daitekeen eleberria dela pentsatzea gustatzen zait, izan ere bilakaera duen eleberria da, 80ko hamarkadako Madrilen kokatzen den istorio kostunbrista batetik akzio eta abentura istorio bat izatera pasatzen baita. Hori bai, nabarmentzen den elementua umorea da beti”.

Ongi etorria AEE/EIEra, Gorka! Eskerrik asko zure hitzengatik. Lehen eleberri honekin poz handiak jasotzea espero dugu!

Xehetasunak

María Eugenia Salaverri, gidoilaria, ekoizlea eta AEE/EIE-ko presidentea Donostia Hiriko Kutxa Literatura Saria jaso du “Antzerkia gazteleraz” sailean “Lejos de Cafarnaum” lanarekin. Epaimahaiak saritutako obraren intriga eta izaera garaikidea baloratu ditu bereziki, “eszenatoki gainean jartzeko pentsatu den testua da”.

Pasa den irailaren 10ean Ernest Lluch Kultura Etxean eman zen aditzera Donostia Hiriko Kutxa Literatura Sarien 56 edizioaren epaimahaiaren emaitza.

María Eugenia Salaverriz gain, Iñaki Cid Larrea “Antzerkia Euskaraz” sailean irabazi zuen “Behin batean Loiolan” bere antzezlanarekin. Bestalde, “Kontakizun-liburua euskaraz” sariaren irabazlea “Haragizko mamuak” izan zen, Karmele Mitxelena Etxebeste egilearena, berriki Mikel Zarate Haur Literatura Saria lortu ondoren. Azkenik, “Kontakizun-liburua gazteleraz” atalean Fernando Luis Villamí Ugarte izan zen sariduna “Los dioses de quince años” bere obrarekin.

Sariak iragartzeko ekitaldian Fernando Marías idazleari omenaldi mina egin zitzaion, aurtengo otsailean zendu ondoren, eta 2016 urtetik hil arte epaimahai honen kide izandakoa.

Sarien entrega ekitaldia Donostiako Principal Antzokian izango da datorren azaroaren 19an.

Donostia Hiriko Kutxa Literatura Sarien 56 edizio honetara 862 obra aurkeztu dira osotara, azken edizioan (2020) baino 180 gehiago, horrekin %26ko gorakada egon delarik. Horietatik 482 lanek ‘Kontakizun-liburua gazteleraz’ sailean lehiatu dira, 346 ‘Antzerkia gazteleraz’ sailean, 19 ‘Kontakizun-liburua euskaraz’ atalean eta 15 ‘Antzerkia euskaraz’ sailean.

Trofeo bat eta 15.000 euro dira lehiaketa honek batzen dituen sariak. Gainera, saritutako lanak ospe handiko argitaletxeek argitaratuko dituzte ( Elkar, euskaraz eta Algaida, gaztelaniaz).

 

Xehetasunak

Gaurkoan Olaia Revert Godoyri AEE/EIEra ongietorria ematen diogu.

Bere haurtzarotik idaztea gustatu zaio eta bere bizitza osoan zehar idatzi dituen kontakizun eta hausnarketak, inoiz argitaratu ez direnak, gordetzen ditu.

Ogibidez laneko osasunean espezialista den erizaina da eta, erakunde ezberdinetan, zentro geriatrikoetan eta ospitaleetan lanean urteak eman ondoren, gaur egun enpresako erizaintza alorrean ari da, desgaitasuna duten langileekin lanean.

Idazketa errazeko tekniken Ikastaroa egin zuen (2018) Lectura Fácil Elkartearen bitartez eta 2021 urtean “Goazen txangora!” bere lehen ipuin liburua argitaratu zuen (Ediciones Beta III milenio), euskaraz eta Eusko Jaurlaritzaren dirulaguntzarekin. 

2022 urtean liburu honen gaztelaniazko bertsioa argitaratu du, “¡Vamos de Excursión!” (Ediciones Beta III milenio), bera izan delarik itzultzailea, elebiduna baita.

Liburuak bere istorio bakoitzean eduki inklusiboa du ere (desgaitasun fisikoari buruzko bi istorio ditu, hausnarketa eragiteko helburuarekin azkeneko mezu batekin) eta irakurketa errazeko moduan idatzirik dago (irakurketa zailtasunak dituzten pertsonei zuzenduriko idazketa modua, zailtasun horien arrazoia dena delakoa ere, 7 urtetatik aurrera eta adin heldukoentzat, irakurketa gaitasuna ere murrizturik dutenean). Ekimen faltagatik irakurtzea nekeza egiten zaien pertsonei ere zuzendurik dago, edo hizkuntza hauetako baten batekin (Euskara edo Gaztelania) lehen aldiz kontaktua dutenentzako edo hizkuntza ikasten ari dutenentzako, haien ikasketa errazteko helburuarekin.

Proiektu inklusiboetan (adimen desgaitasuna, integrazioa) irakurketa errazean lanean jarraitzen du eta aurki lan horiek plazaratzea espero du.

Ongi etorria AEE/EIEra,Olaia!