Xehetasunak

"Moscú" plazaratu berri da, Jesús María Sáezen azken lana, Amazonen azal bigunean eta Kindle-en eros daitekeelarik. 

Azken eleberri honek “Ekialdeko Trilogia” ixten du, espioitza thriller poliziakoaren saga arrakastatsua alegia, "Siberia" eleberriarekin hasi eta "Kazajistán" lanarekin jarraitu ondoren, azken alea plazaratuz. Trilogiako lehen alea, “Siberia”, Errusian gertatutako benetako jazoeretan inspiraturik dago eta Amazonen gaztelaniaz gehien deskargaturiko bigarren liburua izan zen 2018ko urriaren 11an. Bere aldetik, “Kazajistán” Euskadi Literatura Sariko epaimahaiak aukeratu zuen sari hauen 2021eko edizioan parte hartzeko, gaztelaniazko narratiba sailean hain zuzen ere.

“Moscú” eleberriari buruz hitzegiteko arduraduna Txusmi Sáez bera izatea nahi izan dugu. Honakoak izan dira bere hitzak: «Hasiera orok bere amaiera dauka”. 2017an “Siberia” argitaratu nuenetik 5 urte igaro dira eta 2 “Kazajistán”, sortako bigarren alea alegia plazaratu nuenetik. Denbora tarte horretan idazteko eran bilakaera izan dut, zalantzarik gabe, sagako pertsonaia protagonistek egin duten modu berean. “Gu guztiok askatzeko itxaropenik badago, gure herrialdeei traizioa egin beharko diegu...’. Gerra hotzeko klasikoen estiloko espioi istorio bat da, bertan Errusiako FSBren zerbitzura dagoen hiltzaile gupidagabe batek orrialde hauetan zehar bere bizitza erakusten digularik. Horren aurrean, Javier Galarreta, jada erretiraturik dagoen espainiar komisario ohia, zintzoa eta bere usteekin leiala, mundua oso azkar aldatzen ari dela ohartuko da gutxinaka-gutxinaka. “Hainbeste biktima egotearekin nekaturik nago... Biktima guztiak berdinak dira, ez dago bata bestea baino hobea den biktimarik”.

»Biolentzia, politika, sexua, umore beltz tanta batzuk eta, beste ezeren gainetik, akzio bizia duen espioitza istorio bat, horrek guztiak Moskutik Ekialdeko Siberia iparraldeko munduko lekurik hotzetaraino eramango gaituelarik, arnas hartzeko minutu bat ere utzi gabe. Jantzi berokiak, azken bidaia hasi berri da eta...»

Eskerrak ematen dizkiogu Txusmi Sáezi obra berri honen gaineko bere inpresioak gurekin elkar banatzeagatik, eta horrek arrakasta eta poz handiak ekartzea opa diogu.

Xehetasunak

#Egilea22  Egilearen Jardunaldien bederatzigarren edizioa, datorren iraileko 8 eta 9an  Bizkaiko Foru Liburutegian egingo dena, prestaketa betean dago.

Madrilgo Liburu Azokako chester gorrian iragarri dira gurekin egongo diren hizlarietako batzuk.

Horiek ezagutu nahi?  Bideo honetan aurkituko dituzue.

Topaketa honen leloak, “Liburuaren bidaiak” alegia, islatzen duen moduan, iraultza digitalari esker liburuak paperetik ikus-entzunezko medioetara bidaiatu du, sortzaileei eta publikoari aukera berriak irekiz.

Erne egotera animatzen zaituztegu, datorren ekainaren 15ean #Egilea22 IX Jardunaldi honen programa osoa aditzera emango baitugu. 

 “Egilea Argitalpen Mundu Berrian” Jardunaldia duela bederatzi urtetik hona antolatzen da, Euskadiko Idazleen Elkartearen (AEE/EIE) ekimenari esker, bai eta  Eusko Jaurlaritzako Kultura Sailaren babesarekin eta  Bizkaiko Foru Aldundiaren,  Euskadiko Editoreen Elkartearen eta  Cedro-ren laguntzarekin. Jardunaldi honek egileak, editoreak, ikus-entzunezko ekoizleak, liburu saltzaileak, agenteak eta argitalpen sektoreko beste profesionalak elkartzen ditu, liburuaren munduak jasandako eraldaketatik eratorri diren zenbait alor analizatzeko helburuarekin, bai eta horrek sortzaileengan duen eragina jorratzeko ere.

Informatzen jarraituko dugu...

Xehetasunak

Eva M. Soler eta Idoia Amo idazleek plazaratze berri bat dute, aurtengo bigarrena.

Oraingoan "Nos vemos en Cherry Hill" eleberriaren txanda da, autoargitaraturiko liburua delarik. Obra trilogia baten baitan dago, bertan liburu bakoitza modu independentean irakurtzeko aukera dagoelarik ere: hiru eleberriek pertsonaiak elkar banatzen dituzte, baina istorio bakoitzak bikote ezberdin baten gorabeherak kontatzen ditu.

Mediaset taldeko Mil Palabras & + Woman etxearekin bi liburu argitaratu ondoren ("Querido Murphy: ¡Déjame en paz!" eta "Sin lluvia no hay arcoíris"), Eva eta Idoiak autoargitalpenaren aldeko apustua egin dute orain.

Egileek beraiek esaldi sendo honekin laburbiltzen digute liburu berri hau: “Uda batek zure bizitza alda dezake”

Berriro ere zorionak ematen dizkiegu Eva M. Soler eta Idoia Amori nobedade honengatik eta poz handiak ekartzea opa diegu.

Xehetasunak

Gaurkoan José María Lizundiaren"De Bilbao a Bilbao, 40 años después" obraren berri emango dizuegu, Editorial Alhulia etxeak argitaratu ondoren aste honetan Getxon aurkeztuko baita.

Liburuaren aurkezpena datorren larunbatean izango da, maiatzak 28, 19:00etan, Areetako  Flappers liburudendan.

Ekitaldiaren garapena  Gorka Angulo ren eskutik izango da eta bertan Abdelkader Chaui idazle marokoarrak parte hartuko du, Marokoko Literatura Sari Nazionala eta Txilen Marokoko enbajadore ohia izandakoa alegia.

José María Lizundia egileak berak obrari buruzko bere inpresioak liburuaren kontrazalean laburbiltzen ditu: «erbesteratu bati buruzko liburua da hau, bertan, enfokaturiko denbora tarte laburrean, honakoak nahasiz: saiakera, egunerokoa, “memorialismoa”, eta kontakizunak ardatz narratibo moduan balioko du, pandemia betean heredatzera eta Getxon etxea erostera joan nintzenean Bilbon izandako istripu bati probetxua ateratzen baitio. Hau da hausnarketa kulturalak, politikoak eta antropologikoak ere egiteko aitzakia, horiek kontrakoak, lotsagabeak eta, batzuetan, mingarriak suertatuz.

»Halabeharrez bere gaztetasun garaiarekin alderatzen da, aldizkako bokazio batetik itzuliko balitz bezala. Bere belaunaldiari buruz ematen den irudia ez da hobea, bere inauguraziozko prozesu politiko guztiak nulutzat jo baitziren, zitalena eta arriskutsuena salbu».

Eskerrak ematen dizkiogu José María Lizundiari berri hau gurekin elkar banatzeagatik eta arrakasta handia opa diogu obra honekin, bai eta larunbateko aurkezpenean ere.

 

Xehetasunak

Julio Santos eta Patricia Pérez bikoteak sortutako Txano eta Oscarren Abenturak sagak handitzen jarraitzen du eta une garrantzitsu batera iritsi da: bildumako hamargarren liburua bai euskaraz bai eta gaztelaniaz ere argitaratu du ( Kristalezko kaiola/La jaula de cristal ). 

Txano eta Oscarren liburu guztietan bezala, “Kristalezko kaiola” euskaraz eta gaztelaniaz plazaratu da, paperean zein digitalean eta Xarpa Books argitaletxearen bidez autoargitaratua. Abentura honi buruz gehiago jakiteko bere booktrailerra ikus dezakezu.

Sagako egileek beraiek, Julio Santos eta Patricia Pérezek aurkezten digute bildumaren azken ale hau: “Ikasturtean zehar gertatzen den beste abentura bat da, bertan atzeko gai moduan interesgarria iruditu zitzaigun gai bat jorratzen dugularik: animaliei tratu txarrak. Bilduman ohikoa den moduan, istorioa dibertigarria izatea da gure lehen helburua, baina istorioak berak lagun talde guztia hausnarketara eramango du, gizakiok ikusi ahal izateko giltzaperatutako animaliak edukitzeak dakarren sufrimenduaren inguruan hain zuzen ere”.

Sagako hamargarren liburua argitaratzeaz gain, aurten bada nobedade gehiago Txano eta Oscarren abenturen inguruan:

  • Urte hasieran lehen hiru liburuak digitalean eta alemanez argitaratu ziren.
  • Laugarren alea paperean galizieraz plazaratu zen (O segredo do pobo dogon).
  • Seigarren alea paperean katalanez argitaratu da (Els veins subterranis).
  • Eta duela egun gutxi Txano eta Oscarren lehen liburuaren 700.000 deskargak gainditu dira, eskuragarri dauden hizkuntza guztien artean.

Eskerrak eman nahi dizkiegu Julio eta Patriciari gure galderei erantzuteagatik eta zorionak ematen dizkiegu hainbeste berri onengatik ere. Txano eta Oscarren saga handitzen doa, bai ale kopuruan, itzulpenetan eta merkatu berrietan. Informatzen jarraituko dugu...