Xehetasunak

Christian Damkeri dagokio Egilea Argitalpen Mundu Berrian Jardunaldiari hasiera emango dion hitzaldia burutzea. Jardunaldia, irailaren 20an egingo da Bilbon,  Asociación de Escritores de Euskadi / Euskadiko Idazleen Elkarteak antolatua.

Damke Open Publishing-eko kidea da. Plataforma horrek egun egileei, argitaratzaile digitalei, agenteei eta itzultzaileei zerbitzuak eskaintzen dizkie, laguntzearen alde ekoizpenean, banaketan, komertzializazioan edota liburuen argitaratzean.

AEE/EIEk egin dion elkarrizketan, argitalpenaren industriak bizi dituen garai berrien inguruko bere ikuspegia azaldu digu. "Pantailak irakurketarako formatu berriak direla errealitate bat da jada. Epe laburrera liburu elektronikoek inprimatutako liburuak gaindituko dituzte, eta arrazoia agerikoa da: prezio baxuagoak eskaintzen dituzte, liburu sorta oparoagoa, laginketa erraza eta erosketarako erraztasun erabatekoarekin gainera ".

Damke-ren aburuz, "Argitaratzaile tradizionalak autoargitalpenaren merkatuan ari dira sartzen, autoargitalpenaren estigma desagertzen hasia delako. Gertatzen ari dena da egile hibridoa argitaratzaile tradizionalek barnera dezaketena baino askoz ere azkarrago ari dela idazten eta egun egilea bera da bere patuaren jabea".

Elkarrizketa osorik irakurri.

Xehetasunak

Egileak eta argitalpen plataforma berrien arteko harremana hartuko da ardatz. Bilboko Alhondigako Bastida Aretoan burutuko da irailaren 20an, sarrera libre dela, 10.00etatik 19.00ak arte, eta ponentziak, mahai inguruak eta tailer praktikoak eskainiko dira.

‘Egilea argitalpen mundu berrian’ trebakuntzarako ekimen irekia da, AEE/EIEko kideei zein interesa duen beste edozein pertsonari zuzendua. Euren lanak argitaratu aurretik informazio sakonagoa jaso nahi duten pertsonei zuzendua dagoen jardunaldia da. Batera, idazmen-tailerretan dabiltzan ikasleei zein horietan irakasle direnei zuzendua dago. Orokorrean, sektorearekin harremana duten pertsona orori zabaldua da, katearen puntu ezberdinetan dabiltzanei oro bat: sormena, argitalpena, banaketa, salmenta eta liburutegiak.

Xehetasunak

Iñaki Sainz de Murietak argitara eman berri du 'Fuegos Fatuos', bere hamairu kontakizun jasotzen dituen antologia. Idazle donostiarrak azaldu bezala, kontakizun hauekin “fikzioa eta neo surrealismoa bereizten duen muga finean mugitzen naiz, jolasean”.

Liburua bertsio digitalean dago eskuragarri Amazon banaketa eta salmenta kanaletan eta azalean 2013an Florentziako IX Arte Bienala irabazi zuen 'Cercanías al gauchito Gil', Ángel Ricardo Juárez artista argentinarraren oleoa du.

Xehetasunak

Juan Manuel Uria poeta gipuzkoarra Guatemalako Quetzaltenangoko Nazioarteko X Poesia Jaialdian parte hartzera gonbidatu dute, abuztuaren 14tik 16ra.

Jaialdian zehar 30 ekimen baino gehiago burutuko dira: poesia irakurketak, mahai inguruak, liburuen aurkezpenak, dantza garaikidea edota antzerkia. Bertako eskola, ikastetxe, unibertsitate, kultur gune, parke eta antzokietan burutuko dira. Aurtengo edizioa Guatemalako Francisco Nájera poetaren omenez antolatu da.

Jaialdiaren inguruko informazio gehiago.

Jaialdian parte hartzera gonbidatutako poeten zerrenda.

Xehetasunak

Iñaki Sainz de Murietak uztailaren 18tik 22ra Amazonen 'Los hijos de Ik: Lazos de sangre' bere eleberriaren doaneko deskarga egiteko aukera eskainiko du; izan ere, idazleak kulturaren doaneko difusioaren aldeko bere aldarriarekin bat eginez sustatu duen ekimena baitugu hau.

Aurtengo urtarrilean Murietak, Buenos Aireseko Eder Argitaletxearen eskutik, duela bi urte lehenengoz paperean argitaratutako eleberri honen bertsio elektronikoa eman zuen argitara. Eleberria, Ipar Amerikako gizarte ehiztari-ekoizlea du testuinguru, sedentarizatze prozesuan murgildua. Ipar Amerikako gizon-emakume horien bizimodua eta ohiturak erreproduzitzen saiatzen da baina, betera, trama konplexua eta korapilatsua aurkezten digu, sorpresaz josita, eta bere protagonistek burututako makina bat gorabeherez betea.