Xehetasunak

Alrevés argitaletxeak Gonzalo Garridoren El patio inglés eleberriaren bigarren edizioa eman berri du argitara, eleberria aurkeztu zenetik hilabetea bete den honetan.  Arrakasta hau kritika eta irakurleen artean izan duen harrera onaren emaitza da, izan ere, dioten bezala, eleberri “sinesgarria, adimentsua eta ederra” baita.

'Las flores de Baudelaire' liburuaren idazleak, oraingoan arreta oso jarri du senitartekoen arteko liskarretan, zenbait gizarte planteamendu injustuetan, norberaren patua onartzeko zailtasunean.

Garridok berak azaldu bezala, bere eleberria “laurogeigarren hamarkadako maila ertaineko familia baten istorioa da, aita eta seme baten arteko harremana ardatz. Euskadin kokatzen da, oso garai intentsuan, politikoki, ekonomikoki zein sozialki”

Xehetasunak

Abenduaren 15n, arratsaldeko 19.30etan Bilboko Euskalduna Kaleko Cámara Liburu-dendan Agustín Mamolarren 'Blues en Cauterets' eleberria aurkeztuko da.  Idazlearekin batera, aurkezpen ekitaldian Alberto Letona kazetari eta idazleak hartuko du parte.

'Blues en Cauterets', I Grup Lohber Eleberri Saria, idazle bilbotarraren hirugarren eleberria da. Horretan, traizioa, erailketak eta manipulazioa bere protagonista den César Astarloaren bizitzaren osagai nagusi bilakatzen dira. Astarloa, bolada txarrean dabilen idazle arrakastatsua da. Bilbo, Donostia, London, Milan, Esmirna, Atenas eta Greziar Irlak dira eszenatoki eleberrian. Idazleak berak azaldu bezala, “trama abiatzen da César Astarloaren lagun minak bere buruaz beste egitean eta idazlearen bikoteak alde egiten duenean; bi gertakari horiek Astarloaren bizitza hankaz goratuko dute eta aitzinera ezin izango du lerro bakar bat ere idatzi”.

Xehetasunak

Santiago Liberal idazlea astelehenetan arratsaldeko 19.30etatik 21.00etara internetez emititzen den ‘La oda del trovador’ irratsaioaren zuzendaria da. Saioaren atal nagusia gonbidatu bati elkarrizketa da; batera, iragarki kulturalek eta ezkutatutako poetaren atalak osatzen dute epikadial.com irratiaren emisioa.

Saioan edozein pertsonak har dezake parte, edozein gaiari buruz aritzeko, zuzendariak berak adierazi bezala,  “politikaz eta erlijioaz izan ezik”.

Liberal bere irratsaioaz eta online irrati honi buruz aritzen da  AEE/EIErekin egindako elkarrizketan.

Xehetasunak

Bilboko Cámara liburu-dendari egokitu zaio 2014ko Kultur Liburu-dendarik Hoberenari saria. Sari hau, Espainiako Liburu-saltzaileen Elkarteen eta Gremioen Konfederazioak ematen du.

Cámara orain gutxi zaharberritutako liburu-denda tradizionala da. Bizkaiko hiriburuko Euskalduna kalean kokatua, Javier Cámara da jabea eta berak libruru-dendaren Facebook orrialdean agertu bezala, gutxi barru hau ospatzeko festa on bat egingo da.

Javier, pasa den irailean Euskadiko Idazleen Elkarteak antolatutako ‘Egilea argitalpenaren mundu berrian’ izeneko jardunaldira gonbidatutako parte-hartzaileetako bat izan zen. Bertan adierazi bezala, liburu-saltzaileek egun duten arazo nagusietako bat “heltzen zaigun guztiaren artetik aukeraketa egitea” da, “horregatik”, zioen, “konfiantza gehiago badut argitaletxe independenteengan, izan ere, orokorrean, kantitatearen alde baino, kalitatearen aldeko apustua egiten baitute”.  
Zorionak Javierri eta Cámara Liburu-dendan egunez egun lana posible egiten duten orori!

Xehetasunak

Donostian bizi den Javier Mina idazle nafarrak Badajozeko Diputazioak antolatutako XII. Poesia Esperimentaleko Sariaren accesit bat irabazi du 'Genérico' lanari esker. Zamorako Julio Fernández Peláezen 'Útil para la extracción de la locura' izenburuko ikus poesia lana gailendu da. Beste accesita Dulce Escribanok jaso du, 'Autoengaño' lanarekin. Sariaren deialdira 132 lan aurkeztu dira.

'Genérico' lana tamaina handiagoan.

La obra 'Útil para la extracción de la locura', realizada por el zamorano residente en Vigo Julio Fernández Peláez

Ver más en: http://www.20minutos.es/noticia/2303105/0/obra-util-para-extraccion-locura-gana-xiii-premio-poesia-experimental-diputacion-badajoz/#xtor=AD-15&xts=467263