Xehetasunak


Euskadiko Idazleen Elkarteak antolatzen duen sariaren III. edizio honetan  Óscar Sotillosen ‘Equidistancia’ lana gailendu da. Brenan Duarte, Ricardo Ugarte eta Juan Zapater adituek osatutako epaimahaiak ere accesit bi banatu ditu, Granadako Raúl Reguerasen ‘Ayer’ izenburuko lanari eta  Julio Fernández Peláez galiziarraren ‘Metamorfosis social’ lanari. Halaber, beste hogei lan hautatu izan dira saritutakoekin batera Euskal Autonomia Erkidegoa zein Espainiako eta atzerriko beste hainbat toki bisitatuko dituen erakusketa ibiltaria osatzeko.

‘Equidistancia’, Juan Carlos Eguilllor Saria jaso duen lana, epaimahaikidea den Ricardo Ugarte eskultorearen hitzetan “lirismo handiko lan garbia eta argia da eta, batera, tratamendu formalari dagokionez, kontzepzio poetiko xahu eta sendoa du”. Aurten 106 lanek parte hartu dute, 2013an aurkeztutakoen bikoitza baino gehiago.

Xehetasunak

Idazle bilbotarrak maiatzaren 29an Aixe Getxo! Saria jasoko du, Literatura sailean.  Aixe Getxo! Sariak Getxoko Kulturaren munduarentzat urteroko topagune bihurtu dira, era horretan arloan lan egiten duten eragile, erakunde edo pertsonalitate ezberdinen arteko harremanak erraztuz. Udalak Kulturaren Aixe Getxo! Sarietan 14 kultur ekimenenen eta eragileren lana nabarmendu ditu.

Moreno 'El salón de la embajada italiana' (Planeta) eleberriaren egilea da.  Berrasmatzeko unea gogoan duten pertsona guztientzako irakurketa sakon eta sendoa da, ulertzen laguntzeko ametsei heldu behar zaiela, etenik gabe, arnasarik gabe garatu arte. Aixe Getxo! Sarien banaketa ekitaldia burutuko da maiatzak 29, arratsaldeko 20:00etan, Kultur Etxeko Fadura aretoan.

Xehetasunak

 

'Rumorada (delirio fronterizo de traca y música de banda)' Pirinio Garaiko mugako eskualdean kokatzen den Solano del Puerto herria du testuinguru. Udalerri hura obsesio biretan oinarritzen da: bere isolamendu geografikoan, batetik, eta mailaz igo nahi duen bere futbol klubaren grinan, bestetik. Horiek gainditzeko, eskualdean herriko alkateak eta klubeko presidenteak sustatutako hainbat urbanizazioren loratzea ekar dezakeen arkeologia-aztarnategi baten aurkikuntza baliatu nahi dute.

El Diario Vascon argitaratutako elkarrizketan Javier Gil idazleak azaldu bezala, eleberri honetan “umorea da nagusi; eduki eroa du eta eromen horretan oinarritzen da, hain zuzen, argudioaren muina. 'Rumorada' errealitatea desioa propiotik abiatuta eraiki nahi izateaz aritzen da, amen-omenetatik abiatuta, edota begiradak baliatuta. Solano del Puertoko biztanle gehienak nekazal giroko pertsonak dira eta umorearen bitartez saiatzen dira garatzen. Baina, tartean unibertsitario bat agertuko da eta bere asmo zientifikoekin herritarrak liluratzen saiatuko da".

Aurkezpena datorren maiatzaren 29an, osteguna, izanen da, Madrilgo Euskal Etxean (Jovellanos Kalea, 3), arratsaldeko 19.30etan. Horretan parte hartuko du Javier Gil berak eta saio berean Gilek, Ángel García Rondaren 'Y otros Donostiarras' liburua aurkeztuko du ere.

Xehetasunak

Julia Otxoa idazle donostiarrak, datorren asteartean, maiatzaren 27an, 'Jardín de arena'(La Palma Argitaletxea) poema-bilduma aurkeztuko du. Arratsaldeko 19,30etan Callaon dagoen La Central liburudendan. Liburua, emakumezkoen poesia eta saiakera bilduma berri baten baitan argitaratu da: 'eme::escritura de mujeres en español'. Emakumezko poeta espainiar eta hispanoamerikar hoberenen lanak jasoko dituen bilduma da eta Nuria Ruiz de Viñaspre poeta eta editorea izanen da horren buru. Aurkezpenean bildumaren lehenengo hiru lanen egileak egonen dira, euren liburuen berri emateko: María Antonia Ortega (Madril), Julia Otxoa (Donostia) eta María Negroni (Buenos Aires).

Julia Otxoak dioenez, 'Jardín de arena' liburuan "basamortuaz eta lorategiaz aritzen naiz, denbora zirkular batean elkarrizketan dauden espazio bi gisa. Toki guztietatik kanporatua izateak suposatzen duen egoera larritik, deserritik, non den dena eteten den berriz ere lorategian loratzeko, iniziazioko aurkipen gisa. Hutsaren errealitatetik, jaiotzea. Hizkera galdu, azkenean, berriz topatzeko, sutan. Errora eta hitzarako areazko igarotzea, xarma azaleratuz".

Xehetasunak

José Ignacio Besga Zuazolak, datorren maiatzaren 22an, Madrilen aurkeztuko du 'Los círculos del deseo' (Hiria argitaletxea) eleberria. Jovellanos Kalearen 3an dagoen Euskal Etxean egingo da aurkezpen saioa, arratsaldeko zortzietan. Idazle arabarra Epaitegi Goreneko presidente ordea eta EHUko Zuzenbide Penaleko Katedratikoa den Adela Asuak lagunduta egongo da eta hortxe izango da ere Alfonso Aya, Estatuko Fiskaltza Nagusiko Areto Fiskala dena.

'Los círculos del deseo' eleberriak, enpresa multinazionalak aholkatzen dituen bulegoko kidea den Jasón Ortiz de Cendoya abokatuaren historia kontatzen du. Jasónek deskubritzen du bere benetako ametsa kostaldean patxadaz idazteko etxe bat izatea badela; batera, horren ildotik, ustekabean agertuko diren hainbat errealitateek astinduko dute bere bizitza: Lucia, bere bezero batek, hots, elkarte suediar batek  Indonesian duen Fundazioan lan egiten duen albaitaria; Daniela, itsasertzean dagoen etxea saldu dion margolaria; Natalia, etxea zaintzen dion bizilaguna eta Anne, epailea Parisen eta bere lehenengo esperientzia. Esperientzia hauek guztiek, ezezagunak edota jada ahantziak, orain arteko espazio ezagunei gaina hartuko diote, bizitzaren prisma anitzak eskainiz (ekologia, artea, desioa). Negozioen mundu konplikatua eta Marina bere emaztea zendu zenetik jada gertukoa zitzaion bakardadea erabat aldatuko dira.