Xehetasunak

Oraingo honetan, Gonzalo Garridok 'El patio inglés' eleberria aurkeztuko du hiriburu gipuzkoarrean. Azaroaren 27an, osteguna, arratsaldeko  19.30etan Liburutegi Nagusiko ekitaldi aretoan, San Jeronimo kaletik sartuta (Alde Zaharra).

Bere bigarren eleberri honetan, 'Las flores de Baudelaire' eleberria eta gero, egileak berak aditzera eman duenez “zerbait pertsonalagorako erregistro aldaketa” topatuko dugu. Bizitzaren, kamusada eta minaren inguruko istorio barne-barnekoa. Eleberriak senideen arteko iskanbilatan jartzen du arreta, gure jendartearen zenbait planteamendu bidegabeetan, gure patua onartzeko zailtasunean".

Xehetasunak

1965. urtean Bilbon Estatu mailako lehenengo “Poesia Zehatzaren Erakusketa” burutu zenetik, egun arte asko eta asko izan dira poesia mota original eta eder honetan aritu diren euskal poetak.  Garapen artistiko hau dela eta, Veneno aldizkariak bere 183garren zenbakia osorik eskaini nahi izan dio ‘Ikus Poesia Euskadin’ (2014) lemapean; antologia honetan 26 egile eta sortzaileen lanak jasotzen dira.

Aurkezle arituko dira Asociación de Escritores de Euskadi /Euskadiko Idazleen Elkartearen (AEE/ EIA) zuzendaritza batzordeko kidea Javier Maura Barandiarán; ‘Veneno’ aldizkariko editore eta poeta den Francisco Aliseda; eta Mikel Jauregi, ikus poeta eta, besteak beste, AEE/EIEk antolatutako Juan Carlos Eguillor Nazioarteko III. Ikus Poesia Sariaren irabazlea. Aurkezpena Bilboko Alhondiga Kultur Gunean egindo da, azaroaren 27an, arratsaldeko 19.00etan.

Francisco Alisedaren testua

Xehetasunak

Fernando Savaterrek argitara eman berri du '¡No te prives! Defensa de la ciudadanía' (Ariel argitaletxea). Azken lau urteotako bere artikuluen bilduma da eta horri europar hauteskundeak eta gero idatzitako epilogoa gehitu dio, aztertuz jendartearen kontzeptua, hiritarron eskubideak eta betebeharrak eta horrek guztiak lurralde, etnia edota hizkuntza bat zein beste izatearekin duen erlazio eza.

Savater, idazlea, Madrilgo Complutense Unibertsitatean Katedraduna da. Berrogeita hamar lan baino gehiago argitaratu ditu, saiakera politiko, literario eta filosofikoak, narrazioak eta antzerki lanak tartean. Gainera, espainiar nahiz atzerriko prentsan ehunka artikulu idatzi ditu. Bere liburuetako zenbait hogei hizkuntza baino gehiagora itzuli izan dira.

Bideoa Youtuben

Xehetasunak

Azaroaren 19an, asteazkena, Madrilen Antonio Mauraren 'Cartografía literaria de Brasil' liburua aurkeztuko da. Casa América (Miguel Cervantes Aretoa) delakoan izango da aurkezpena, arratsaldeko 19, 30etan. Ekitaldian, idazlearekin batera,  Espainian Brasilgo kontsula den  João Almino idazleak eta Aline Pereira da Encarnação eta Víctor David López argitaratzaileek parte hartuko dute.


Antonio Maura brasildar sormen literarioa mapan jartzen hamarkadak eman ditu.  Hitzaldi eta mintegietarako sortutako bere testuak, askotan ere idazle brasildarrak Espainiara bisitan etortzen direnerako eginak –berak egin ohi die harrera- bilduma sakon eta sutsu honetan jaso izan dira, bera bezalako analista maitemindu batek soilik sina dezakeen argitalpenean. Brasil irakurtzeko modu ugari dago; hau, Antonio Mauraren tankera da, XX. Mendea laburtzeko egin duen aukeraketa txukuna.

Xehetasunak

Mª José Mielgo Busturiaren 'Corazón ardido' liburuaren bertsoetan oinarritutako errezitaldi poetikoa. Azaroaren 12an, asteazkena, arratsaldeko 19.30etan Bilboko Burtsa Gunean, Pilota Kalea 10. Zendu den Sorkunde Francés Vidal irakaslea eta idazleari egin nahi zaio honela omenaldia.

Errezitala Sacratif taldearen musikaz lagunduko da eta batera Idoia Mielgo Merino irudiak ikusi ahal izango dira; Palmi Merino Portela, Mª Ängeles Pérez Ondiviela, Juilán Bora eta Santiago Liberal izango dira ahotsak. Mª José Mielgo Busturiak Sorkunde Francési dedikatutako poemari jarriko dio ahotsa.