Xehetasunak

Datorren ostiralean, urtarrilak 22, 20,00etan Angela Sernak Burgosko Principal Antzokiko Polisón aretoan ‘Solitudine’ bere poema liburua aurkeztuko du. Idazleak Roberto Lastre idazle eta argitaratzailea edukiko du lagun. Larunbatean, urtarrilak 30 Zaragozan aurkeztuko dute liburua 19,30etan La Pantera Rossa liburu dendan. Parada horretan Angela Sernak Iñigo Linaje poetarekin egingo du aurkezpena.

Otsailaren 20ean, 19,30etan, Friasen (Burgos) Angela Serna eta Pilar Corcueraren eskutik poesia emanaldia egingo da, Pro ismo cero taldeak lagunduta. ‘Siempre Lorca: del Bronx a la Luna’.

Martxoaren 4ean, ostiralez, 19,30etan, Cámara liburu dendan, ‘Solitudine’ aurkeztuko da bai eta Iñigo Linajeren ‘Nunca más adiós’ liburua ere. Aurkezpena Blanca Sarasuak egingo du.

'Solitudine' poesia liburu bat da, non, bere egileak azaltzen duen bezala, “bidai baten modura, amodiotik, babesgabetasunetik, itxaronalditik, heriotzetik… bai eta bizitzeko ziurgabetasunaren aurrean zoriontasunaren bilaketatik ere barreiatuz eta edozein emakumeren begiradatik planteatzen da. Arintasunetik, existentziaren nahitaezko zama erakutsi nahi duen poema bilduma”.

Xehetasunak

Ostegun honetan, Javier Mina Donostian finkaturiko idazle nafarrak, 'De paseo por el San Sebastián de Luis Martín-Santos' bere liburua aurkeztuko du Walden liburu dendan (Paulino Caballero kalea 31). Aurkezpena Fátima Frutos idazleak egingo du.

Luis Martín Satos idazle donostiarrak Gipuzkoako hiriburuan utzitako oinatzak aurkitzera gobidatzen duen liburua argitaratu du Javier Minak.

‘De paseo por San Sebastián con Luis Martín Santos’, Erein argitaletxearen ‘Escenarios’ bildumaren baitan argitaratu da. Donostian bizi den idazle nafarraren liburuak, egilearen arabera “bere izena duen enparantza duen, baina Donostia osoan ‘Hemen Luis Martín-Santos egon zen’ dioen plakarik ez duen” hiri batetan zehar Martín Santosen arrastoak jarraitzen ditu.

Informazione gehiago.

Xehetasunak

Mikel Jauregik naturan aurkitutako elementuekin egindako eta helburu ezberdinekin modu anitzetan jarritako azken lanen erakusketa aurkezten du. Erakusketa irekita egongo da Vía de Fuga kafetegian, Bilboko Gordoniz kalea 5ean.

El Correok jasotzen duen moduan, erakusketa “naturan aurkitutako elementuekin, harriekin, egurrekin edo burdinekin egindako hamabi lanek osatzen dute, artea pazientzia eta trebetasun handiarekin eraldatuz. Paseoan zegoelarik, zeharkako eran kuadroan jartzen dituen Sardinian hartutako egur txiki batzuekin eta forma obalatua duen harri batekin oso arrain eskematiko eta xumea egiten du; hamabi babarrunekin, haietako bat beltza, ‘Judas’ izeneko kuadroa eraikitzen du, Badajozen ikus poesia saria bat lortu zuelarik harekin; itsasontzi kate batekin begiaundi perfektu bat lortzen du; eta aurpegian bere alabetako batek bere ezpainak markatu dituen zuhaitz hosto batekin, ‘haizearen samurtasuna izeneko emozioz beteriko poema bat egiten du”.

Xehetasunak

 

Bere azken zenbakian Texturas aldizkariak ‘Juan Carlos Eguillor’ Nazioarteko Ikus Poesia 2015 Sariaren lan garailea darama bere azalean. Sari hau urtero egiten du AEE/EIE-k.

Ikus poesia bere lehen zenbakitik egon zen Texturas aldizkarian. Lehen zenbaki hartan Chema Madoz artistak bere poesietako bat oparitu zuen azala irudiztatzeko. Euskadiko Idazleen Elkarteak orain berdina egin du 28 zenbakiren ondoren.

Eguillor 2015aren lan garailearen izenburua ‘Eztabaida’ da. Bere egileak, lanak díez+zeíd moduan sinatzen dituzten Javier eta José Luis Díez anaiak dira.

Xehetasunak

AEE/EIE-k 2016rako ‘community manager’ plaza baten deialdia egiten du. Epea urtarrilaren 15ean amaitzen da. Lan postuaren profila ondoko estekan kontsulta daitekeí: http://bit.ly/226RQG8