Mertxek berak liburu berri honen gaineko bere inpresioak gurekin elkarbanatzea nahi izan dugu. Honakoak izan dira bere erantzunak:

Galdera – Hitz egiguzu “Mirlos blancos” liburuari buruz. Zer nabarmenduko zenuke gehien olerki bilduma honetan?

Erantzuna – Alderdi sozialerantz begiratzen duen olerki bilduma bat da, ez du “ni”-aren kontzeptu intimoa hainbeste jorratzen, aurreko olerki bildumetan landu dudan hori alegia. Munduari begirada bat da, horrek eskaintzen duenari buruzkoa, ona edo txarra izan, planeta hau nola tratatzen dugunaren gaineko hausnarketa batean, eta etorkizunean, gure jardunbidearen arabera, planetak zer utziko digun edo ez digunari buruzkoa. Hegaztiaren elementua olerki bilduma honen hiru zatietan agertzen da. Animalia hau itxuraz hauskorra da bere fisonomiari begiratzen baldin badiogu, sendotasun inbidiagarria du ordea, bere mugak gainditzen ditu eta distantzia handiak egiten ditu bere eboluzio propioarekin jarraitzeko. Ideia hau iradokitzailea iruditu zitzaidan eta horregatik da olerki bilduma honen elementu zentrala. Beste olerki batzuk gure, geroaldiari utziko diogunari buruz hausnartu gabe ingurumenari ematen zaion tratu txarrari buruzko kritika soziala dira. Eta beste ezeren gainetik, niri, horretaz gain, argi eta positibotasun sentsazioa utzi zidaten olerkiak dira.

Izenburua jartzeko zozo zuri bat erabiltzeak arrazoi argia du, bai eta liburu osoan zehar agertzeak ere, hitz elkarketa horrek duen esanahiari begiratuz: zerbait oso arraroa eta bitxia dela adieraztea, bai eta alor edo zentzu jakin batean ezohikoak diren pertsonak adierazteko ere.

G – Zerk mugitu zaitu liburu hau argitaratzera? Zer ekarri dizu liburu berri honek?

E – Beste ezeren aurretik, gaiaren inflexio puntuak narama olerki bilduma hau argitaratzera, eta bereziki Alemaniako nire aldian idatzitako nire azken olerkiak izan zirelako, Espainiara itzuli aurretik, Nurenbergen bost urtez bizitzen egon ondoren. Aro bat ixtea eta inguratzen nauen guztiaren ikuspegi ezberdin bati aurre egitea ekarri dit.

G – Zuk zeuk aukeratu eta hitzaurrea egin zenion “Antología poétia del desexilio.Los Nautas” liburuaren eta “Mirlos Blancos” liburuaren ondoren, zein beste proiektu duzu eskuartean?

E – Oraintxe bertan, nire Alemaniako aroarekin ere harreman handia duen haurrentzako olerki bilduma bat zuzentzen amaitzen nabil, Nurenberg hiriko istorio eta mitoak dira, baina haurrentzako egokituak, olerkietan, ilustrazio bikain batzuekin. Proiektu honek “Bajo las estrellas de Otto” du izenburutzat eta literatura panoraman agertuko den hurrengoa izatea espero dut.

Baina hori iritsi baino lehen, “Mirlos Blancos” liburuaren aurkezpenekin hasiko naiz, lehena Córdoban izango da, La República de Las Letras liburu dendan, datorren abenduaren 29an, asteazkenarekin, 19:00etan, poesia eta urte amaiera festa baten baitan, eta ardo onarekin ospatuz gainera. Urtarriletik aurrera, La Línea de La Concepciónen aurkeztea espero dut, lana dela eta bertan bizi bainaiz, bai eta Cádizen ere, baina data hauek oraindik itxi gabe daude.

Gainera, liburua edozein liburu dendatan erosi daiteke, gure banatzailea espainiar panorama osora heltzen da, bai eta argitaletxearen web orrialdearen bitartez ere, hemen uzten dizuet esteka: Mertxe Mansoren Mirlos Blancos.

Eskerrak eman nahi dizkiogu Mertxe Mansori bere erantzunengatik eta obra honek poz gehiago ekar diezaion opa diogu. Aurkezpen horien zain egongo gara eta sare sozialetako gure profiletan iragarriko dizkizuegu.