Xehetasunak

 
Azaroaren 9 eta 10an izango da ‘Un mundo de escritoras’ Nazioarteko Literatura Topaketaren baitan, bere hogeita hamargarren ediziora iritsiz

Evelyne de la Chenelière eta Lydie Salvayre idazleak Donostian, Bilbon eta Baionan egongo dira emakume idazleei eskainitako nazioarteko literatura topaketa batean, Donostia Kulturak, San Telmo Museoak eta Institut Françaisek antolaturik.

Ekitaldietako bat Luisa Etxenike eta Lydie Salvayre idazleen arteko topaketa da, azaroaren 9an 19:30tan Donostiako San Telmo Museoan egingo delarik. Ondoko egunean hitzorduan Baionako Médiathèque-ra tokialdatuko da, 18:00etan. Honako honetan hitzordua Evelyne de la Chenelière eta Lydie Salvayre idazleen esku egongo da, Luisa Etxenikek moderatzaile moduan eginez. Bi kasuetan sarrera doakoa da.

Xehetasunak

 

Espainiako Idazleen Kidego Elkarteko presidentearen adierazpenak Radio 5 irratian

Manuel Rico, Espaianko Idazleen Kidego Elkarteko (Asociación Colegial de Escritores de España, ACE) presidenteak, Espainiako idazleek dituzten lege arazo larrienak aipatu ditu. Carmen Cuarterok (CEDRO) ‘Creando que es gerundio’ Radio 5 irratiko programan egindako elkarrizketan nabarmendu duenez “jardunean dauden idazle kopuru handi bat, bereziki Autonomo moduan aritzen direnak, arazo larriak dituzte bere fiskalitatearekin eta Gizarte Segurantzaren kotizazioarekin”. Autonomoen lege berriarekin, Ricoren ustez “egoerak hobera egin du, baina oso partzialki”.

AEE/EIE kide den Seguir creando plataformaren eledun ere denak idazle jubilatuen egoera zaila azpimarratu du, “40 urtez kotizatzen egon ondoren bateraezintasun egoeran baitaude egile eskubideak jaso ahal izateko, honi gaineratuz indefinizioan bizi diren egile ugari dagoela inoiz ez baitute pentsioa jasotzeko gutxieneko kopururik kotizatu”.

ACEko presidenteari balizko konponbiderik dagoen galdetuta, lehena fiskalitatea dela erantzun du: “PFEZ legea aldatu beharra dago, egile eskubideak jabetza intelektualaren mozkin moduan aintzat hartzen dituen lauki bat ezarriz, eta ez orain gertatzen den moduan, jarduera ekonomiko moduan edo lanaren mozkin moduan kontenplatuz”. Hartu beharreko beste neurrien artean “Gizarte Segurantzaren Lege Orokorra aldatzea” nabarmendu du, “egile eskubideen beste literatura jardueren mozkinak eta pentsioa jasotzea bateragarri eginez jubilatutako idazleentzat”.

Espainiako egoera Europako herrialde gehienetan dagoenarekin alderatuz, Manuel Ricok lehenbailehen parekidetzea proposau du hainbat gaietan, hala nola “egile eskubideak eta pentsioa bateragarri egitea”, bai eta “kopia pribatutik zein liburutegi mailegutzatik datozen diru sarrera eta mozkinak lortzea, Europako direktiban zehatz mehatz arauturik baitaude”.

Azkenik, “pirateriaren aurkako borroka eraginkorra” egon behar dela azpimarratu zuen.

© Argazkia: Idazlearen Fracebook profiletik hartua

Xehetasunak


Idazle bilbotarrak gizonezko irakurleak erakarri nahi ditu bereziki eleberri honekin

Fernando García Pañedak ostiral honetan Oviedoko Santa Teresa Librería-Café liburu dendan (Covadonga kalea, 11) Agonía y esperanza eleberria aurkeztuko du. Aurkezpen ekitaldia 19:00etan hasiko da. Obra honetan bere egileak Jane Austen-en Persuasión eleberriaren argumentuari heltzen dio XXI mendera ekarriz eta ikuspuntu maskulino bat emanez. Modu honetan eleberrigile britainiarra omentzen du bere heriotzaren bigarren mendeurrenean. García Pañedak Ana Belén Alonso González kazetari eta idazlea izango du lagun aurkezpenean, Qué leería Jane Austen blogaren administratzailea alegia, oso ezaguna baita literatura klasikoaren irakurleen artean.

Tandaia argitaletxeka plazaratua, Agonía y esperanza eleberriak Frédéric Heywood eta Anna Wellesley ditu protagonista moduan, bi gazte alai, buru argi eta munduari aurre egiteko prest, elkar ezagutzen duten unean. Bata bestearentzako eginda daudela ikusita, mugarik gabeko alaitasun hilabete batzuetan zehar haien amodioa bizi zuten. Baina neskaren gizarte baldintzek, familia aberats eta aristokratiko batekoa zen heinean, klase ertaineko idazlegai arruntarekin zuen harremana haustera eraman zuten. Hainbat urteren buruan egoera aldatu egin da. Frédéric idazte arrakastatsu eta ospetsu bilakatu da. Bere aldetik, Wellesleytarrak, finantza krisialdiaren ondorioz haien enpresek porrot egin ondoren, diru ezean daude eta haien izenak ematen die ahora eramatekoa diru-sarrera eskasek baino. Veneziara denboraldi batez bizitzera doazenean biak, eta iristear daudenean, elkar topo egingo dute, Frédéricek bananduta egon diren denbora guzti horretan sentitu duen erresuminaren eta bere barruan duen eta interpretatzeko ezgai den sentimenduaren artean ibiliko delarik.

Xehetasunak


El Correo egunkariak euskal gizarteko pertsonak gonbidatu ditu Frank Gheryk diseinaturiko eraikina eta bere obrak berinterpretatzera

Bilboko Guggenheim Museoak 20 urte bete ditu eta aitzakia honekin El Correo egunkariak ‘Artciones’ izena daraman testigantza mapa zabal eta heterogeneo bat sortu du. Video sorkuntzatik, performanceetatik, literaturatik eta ilustraziotik abiatuz, artistek puzzle moduko kontakizun bat osatzen dute, museoan bere bizitzako bi hamarkadetan egindako erakusketa eta ekimen nagusien berrikusketa historiko bat eginez.

Pedro Ugarte, Fernando García Pañeda eta Luisa Etxenike, Euskadiko Idazleen Elkarteko kideek, idatzizko hiru testigantzarekin parte hartuko dute, beste hamazazpi egilerekin batera museo bilbotarrari egin zaion begirada literarioan, artearen munduan orain dela urte asko bilakatu baitzen nazioarteko erreferentzia, bai eta Bilboko suspertze sozial eta kulturalaren pieza gakoa ere, eta horregatik, Euskal Herri osokoa ere.

Xehetasunak


Sariaren ediziorik ugaritsuena izan da, Espainia osoko argitaletxe eta egileek 117 obra aurkeztuz

Pilar Adón, Carmen Valcárcel, Aurora Gil Bohorquez eta Manuel Moyanok osatzen duten XIV Setenil Sariko epaimahaiak bere saria Pedro Ugarteri ematea erabaki du gaur, urriak 25, Nuestra historia bere kontakizun liburuarengatik, 2016an argitaratua Páginas de Espuma argitaletxe madrildarraren eskutik. Molina de Segurako Udaleko Kultura Zinegotzigoak sustatua eta “ipunaren Oscar” moduan ezagutzen dena, Setenil Sariak 10.000 euroko dirusaria du liburu irabazlearen egilearentzako.