Xehetasunak


Horietako bat 2000 Serantes Saria irabazi zuen

Bihar, abenduak 12, 19:30etan, Javier Gil Diez-Conde idazle eta irakasleak, Donostiako Lagun liburu dendan La irreductible comedia cruel aurkeztuko du, bere komedia krudeletako bien birargitalpena: Sueños de identidad eta La Tierra movida bajo los pies. Tábula rasa argitaletxeko katalogoan aurkitu daitezke. Aurkezpena J.Mª Salbidegoitiaren (EHUko irakaslea eta “Ciudadanía y Libertad” elkarteko presidentea) eta Mari Cruz Morales Irazábalen (irakaslea eta antzerki zuzendaria) esku izango da.

Xehetasunak


Bilboko hanpa eta gaizkile munduko pertsonaia bat da idazle bilbotarraren seigarren eleberriko protagonista

Datorren abenduaren 12an, 20:00etan, Bilboko Ercilla Hotelean, Juan Infanteren seigarren eleberriaren aurkezpena egingo da, Atrapado, Erein argitaletxeak argitaratua eleberri beltzen ‘Cosecha roja’ bere bilduman. Egilearekin batera María Eugenia Salaverri idazlea, kazetaria eta Euskadiko Idazleen Elkarteko Presidentea eta Beatriz Celaya literatura agentea egongo dira. Jarraian koktel bat egongo da.

Xehetasunak


Sari emate ekitaldia 20:00etan izango da Molina de Segurako Udaletxeko Udalbatza Aretoan

Espainian argitaraturiko Kontakizun Liburu Hoberenarentzako XIV Setenil Sariaren epaimahaiak, Pilar Adón, Carmen Valcárcel, Aurora Gil Bohórquez eta Manuel Moyano epaimahaikideek osatua, Pedro Ugarteri eman zion saria pasa den urrian Nuestra historia kontakizun liburuarengatik (Páginas de Espuma, 2016). Emate ekitaldia abenduaren 11an izango da, astelehenez, 20:00etan, Molina de Segurako Udaletxeko Udalbatza Aretoan, Udal hori baita sariaren sustatzailea bere Kultura Zinegotzigotik. Bertan izango dira Udalerriko alkatea, Esther Clavero Mira, XIV Setenil Sariaren irabazlea, Pedro Ugarte, Kultura Zinegotzia, Pedro Jesús Martínez Baños, eta Epaimahaiko Presidentea, Pilar Adón.

Xehetasunak



Mugimendu separatistak mehatxua dira Europaren ideiarentzako filosofo eta idazle donostiarraren aburuz

Fernando Savaterek Contra el separatismo (Ariel) bere azken liburua aurkeztu du gaur Europako Parlamentuan Raffaele Simone filosofo europarrarekin batera, azken hau Europeo 2017 liburuaren egilea, bai eta Maite Pagazaurtundúa UPyDko eurodiputatuarekin batera. Idazle eta filosofo donostiarra “Estaturik gabeko nazio gehiago eta naziorik gabeko Estatu gehiagoren” alde azaldu zen, eta Kataluniako krisialdi separatista bete betan plazaratu den bere obra “laguntza deiadar” bat izatea nahi duela dio.

Xehetasunak


Idazle donostiarrak 2007an jaso zuen jada sari hau ‘Los peces de la amargura’ liburuarekin

Fernando Aramburuk 2017ko ‘Dulce Chacón’ Narratiba Espainiarraren Saria jaso zuen pasa den igandean Zafran (Badajoz). Saria, Zafrako Udalak deitua, Dulce Chacónen jaioterria baita, Patria bere eleberriagatik eman diote. 5.000 euro eta Iñaki Martínez Mallorcako eskultorearen ‘El abrazo’ eskultura osatzen dute saria.

‘Duques de Feria’ Turismo Paradore Nazionalean interesa zuten irakurleekin topaketa bat egin ondoren, Aranburuk José Carlos Contreras Zafrako alkatearen eskutik jaso zuen saria, bai eta Dulce Chacón idazlearen biloba baten eskutik ere, pasa den 2003an zendu baitzen idazlea, udalak emandako ohar baten arabera.