Xehetasunak

“Usted está aquí. Ellos también” kontaktu estralurtar bat izan litekeenari buruzko bost ikuspegi oso ezberdin eskaintzen dituen umorezko antologia bat da. Baina beste ezeren gainetik, umorea egiteko bost modu oso ezberdin defendatzen dituzten bost egileren proiektua da. Umorea ez baita bakarra eta hirukoitza, generoaren klasikoren batean esaten den moduan, forma ugari har ditzake ordea.

Abel Amutxategi, Bandinnelli, Pablo García Maeso, Sergi Álvarez eta Sergi Escolano dira bost egile hauek. Haiek izan dira linea estralurtarren atzean infiltratu direnak, segurtasun neurri funtsezkoenekiko erabateko mespretxua agertuz eta, ez agur eta ez adio, haien misioan zehar ikusi, entzun, ukitu, miazkatu edo usaindu duten guztia haien kontakizunetan plasmatu dute.

Arkitektura desmuntagarriaren onurei buruz irakurriko dugu, bai eta alien mota batzuen glandula epirrenalen maitasunezko eflubioei buruz, labezomorro robotiko baten begien bitartez Matías Prats IV ezagutuko dugu, zulo beltzetan zehar bidaiatuko dugu eta etxe-abere bat galaxia arteko bozgorailu batean nola eraldatu daitekeen ikusiko dugu ere.

Hori guztia Ferran Varelaren eskutik eramana, hain ohizkoz kanpokoa den proiektu honen zeremonia-maisu baita.

Honen ondoren irakurtzea eta irribarre egitea besterik ez zaigu geratzen. Beste ezeren gainetik, irribarre asko egitea. Inork inoiz ez baitaki noiz topatuko den estralurtar batekin eta inpresio ona eragiteko bigarren aukerarik ez baitago.

Obra honi buruz gehiago ezagutzeko, bere fitxa ezagutzera eta bere lehen orrialdeak irakurtzera gonbidatzen zaituztegu.

Xehetasunak

Miren E. Palacios idazlearen azken obra aurkezten dugu,“Mis mamás molan” izenburuarekin eta Palabras de Agua argitaletxeak plazaratua. Silvia Campos marrazkilariaren ilustrazioak daramatzan haurrentzako ipuin bat da.

Obra honi buruz eta idazle moduan bizi duen une honi buruz Miren E. Palaciosek berak hitz egitea nahi izan dugu.

Galdera – Hitz egiguzu “Mis mamás molan” ipuinari buruz. Obra honetatik zer nabarmenduko zenuke gehien?

Erantzuna – Magiaz beteriko ilustrazioak dituen haurrentzako ipuina da.

“El lenguaje de las olas” eleberriaren ondorioz jaio da. Txikienen arteko egoera ezberdinak normalizatu nahi ditu, bestea parez-pare begiratuz.

Ipuin dibertigarria eta mezu positiboz beterikoa da. 3, 4, 5, 6 eta 7 urteko haurrei zuzendurik dago. “Mis mamás molan” ipuinak adinik ez duela uste dut.

Aurki euskaraz eskuragarri egongo da ere.

G – Nola definituko zenuke egun egile moduan bizi duzun unea?

E – Oso positiboa. Asko begiratzen dut. Irakurtzen, dokumentatzen eta otutzen zaizkidan ideia guztien gainean egoten saiatzen naiz.

Nire irudimena aktibo dago.

G – Zein literatura proiektu dituzu buruan?

E – Badaude proiektuak, noski! Baina oinak lurrean eduki eta errealitatea ikustea nahiago dut, esku artean duzuna burutzea beti ez da posible.

Eskerrak ematen dizkiogu Miren E. Palaciosi bere denbora eskaintzeagatik eta bere inpresioak gurekin elkarbanatzeagatik. Obra berri honek poz handiak ekartzea eta esku artean dituen proiektu horiek errealitate bihurtzea opa diogu.

Xehetasunak

Eva M. Soler eta Idoia Amo egileen azkena aurkezten dugu gaur, “Dramaboda en alta mar”, umorea, amodioa, adiskidetasuna eta itsasoa uda honekin gozatzeko.

Egileekin hizketan aritu gara obra honi buruz, haien lankidetza literarioari buruz eta etorkizuneko haien proiektuei buruz ere. Eurek beraiek kontatzen digute.

Galdera – Zer da “Dramaboda en alta mar” liburutik gehien nabarmenduko zenuketena?

Erantzuna – Istorio fresko eta dibertigarria da, uda honetarako bikaina, izan ere itsas bidaia batean gertatzen da. Komedia, amodioa, adiskidetasuna... daude, irribarreak ziurrak izango dira!

G – Zuen lankidetza literarioari buruz hitz egitea gustatuko litzaiguke: nola sortu zen, zer ekarpen egiten dizue eta nola aberasten zaituztete aliantza honek zuetariko bakoitzari?

E – 14 urte genuenetik ezagutzen dugu elkar. Garai hartan kuadernoetan istorioak idazten genituen, elkarri irakurtzen genion eta elkarri aholkatzen genion. Duela sei urte elkarrekin zerbait idatzi genezakeela pentsatu genuen, gure estiloak bateragarriak baitziren, eta hortik Anxious jaio zen, gure lehen eleberria. Hortik komedia erromantikoekin jarraitu genuen, beldurrezkoekin eta paranormalekin ere... Elkarrekin lan egitearen gauza ona zera da, ideiak errazago sortzen direla (edo hori dirudi), beste pertsona batekin eztabaidatzeko aukera baitago. Gure metodoa istorioa prestatzean datza, ondoren eskaleta batekin kapituluetan banatuz eta horietako bakoitzean gertatuko denarekin betez. Hortik aurrera, eszenak edo kapituluak banatzen ditugu, istorioak eskatzen duenaren arabera.

G – Zuen ondorengo proiektuei buruz hitz egin diezagukezue?

E – Asko ditugu! Ideiek ez dute huts egiten eta idazteko zerrenda erraldoia dugu. Hurrengo argitalpen moduan, irailean beste liburu bat plazaratuko du Ediciones Kiwi argitaletxearekin, “Ángeles en la ruta 66”. Autoargitalpen moduan, zenbait argitalpen prestaturik ditugu baina oraindik ez ditugu datak zehaztu, hortaz, informatzen joango gara!

Eskerrak ematen dizkiegu Idoia Amo eta Eva M. Soleri haien denboraren zati bat eskaintzeagatik eta liburu berri honekin eta gertu dituzten proiektu horiekin zorterik onena opa diegu.

Xehetasunak

width="280"

Asociación de Escritores de Euskadiko Idazleen Elkartera ongi etorria eman diogu Elena Letelieri.

Kazetaria eta Gizarte Komunikazioan lizentziaduna, Talcan (Txile) jaio zen eta Gasteizen bizi da. Kazetari moduan egin du lan, bai esparru pribatuan bai eta publikoan ere. Gasteizen Piuke Ausart programa garatzen bi urte eman ditu, jatorrizko herriei buruzkoa, Hala- Bedi irratian.

Beti nahi izan du liburu bat idatzi. Bere nahia 2016 urtean hasi zen gauzatzen eta 2021eko maiatzean errealitate bihurtu da, "Lo que el mar despertó. Voz testimonial de un tsunami en Chile" izenburua daraman bere lehen obra plazaratuz (Universo de Letras argitaletxearekin).

Bertan bost urteko lanari amaiera eman dio, egileak 2010 urtean Txilen, gertatutako lurrikara eta tsunamiaren biktimen senitartekoak elkarrizketatu dituelarik, Constitución kostaldeko hirikoak bereziki, Maule eskualdean, egilea bere haurtzaro eta nerabezaroko uda guztietan hazten ikusi zuen tokia alegia. Amodio sakoneko istorioak, oroitzapen xamurrak, eskuzabaltasun inkondizionala, ilusioa, itxaropena eta erresilientzia deskribatzen dituzten hamar lekukotza dira.

Liburua, aurtengo maiatzean plazaratua, Gasteizen eta Bilbon aurkeztu zen, bere protagonistetako batzuen partaidetzarekin.

AEE/EIEra ongietorria ematen diogu Elenari eta liburu honek poz handiak ekartzea eta idazle moduan lan oparo baten hasiera izatea opa diogu.

 

Xehetasunak

Ager Aguirreren azkena aurkezten dugu, "Una historia de hu(A)mor".

"Una historia de hu(A)mor" komedia erromantiko eroa da, irakurtzeko 37.000 modu ezberdin baino gehiago dituen “aukeratu zure abentura propioan” formatuan emana, 230 mila hitzekin eta  lehen pertsonan idatzitako 104 kapitulurekin, irakurleen pertsonaia nagusiaren erabakiak har ditzaten eta haien amodio istorio propioa bizi dezaten ere. Obra hau aurtengo Premio Literario Amazon Storyteller sariko partehartzailea da.

Elkarrizketa txiki bat egin dugu Ager Aguirrerekin bere azken liburu honi buruz eta bere hurrengo proiektuei buruz ere galdetzeko.

Galdera – Obra honi buruz ari gara, eta dakigunez irakurtzeko 37.000 modu ezberdin ditu.

E – Bai, hala da. “Aukeratu zure abentura propioa” liburuak bezalakoa da, bertan erabakitako aukera bakoitzak liburuko beste kapitulu batetara eramaten zaituelarik eta istorioa zure erabakien araberakoa delarik. Fantasiazko eleberrien formatu mota honetara ohituagoak gaude, horietan orkoa arkuarekin edo ezpatarekin hiltzea erabaki behar delarik, baina kasu honetan etxean geratu edo orkoarekin iretetea erabaki beharra dagoen komedia erromantiko batean barneratu dut. Eskutatik zertxobait joan zait eta 104 kapitulu ditu eta istorioa bizitzeko 37.000 modu ezberdin inguru.

G – Hain originala eta anbizio handikoa den liburu baten idazketa prozesuari buruzko zerbait esan diezagukezu? Zer izan da desafiagarriena?

E – Literatura erromantikoaren mundu honetan sartu nahi nintzen, baina nire ikuspuntu pertsonaletik egin nahi nuen. Hasieran genero erromantikoaren klixeak biltzen ibili nintzen, nire irakurleei sare sozialetan galdetuz, eta ondoren horietako balkoitzari galtzerdi baten modura buelta eman diet. Desafiagarriena, hasietako bide bakar batean ere ez galtzea izan da, bai eta horiek istorioaren puntu jakinetan elkartzea eta aukeratutako bidea edozein delarik ere, hasiera bera eta amaiera bera duen amodio istorioa bizi ahal izatea, milaka bide ezberdin izanagatik ere.

G – Eta atsengingarriena?

E – Jada nengoena baino eroago egon gabe amaitu izana. Orain atsegingarriena, bere orrialdeetan murgiltzera animatuko diren irakurleen erreakzioak izatea espero dut.

G – Oso idazle emankorra zarela badakigu, zein beste proiektu dituzu orain esku tartean?

E – Zuek ni hain ongi ezagutzea ez dakit ona ote den... (barrea). Nire hurrengo proiektua berehala agertuko da, UNA HISTORIA DE HU(A)MOR uztailaren 15ean plazaratu arren, abuztuan NO TE FIES DE LO QUE VEN TUS OJOS jarriko baitut salmentan, sorgindutako etxe batean egiten den film baten errodajean zehar girotutako thriller bat, bertan Errealitate Handituak hor gertatzen direnekin asko ikustekoa izango duelarik, Guardia Zibila protagonistaren heriotza ikertzeraino eramanez. 

Fantasia iluneko trilogia bat idazten ari naiz ere, baina hori urte amaierarako edo datorren urteko hasierarako izango da.

Eskerrak ematen dizkiogu Ager Aguirreri bere inpresioengatik eta hain istorio xelebre honekin arrakasta handia opa diogu.