Xehetasunak

 
Parte hartuko duen idazle bakoitzak minutu batzuk edukiko ditu bere obra aurkezteko eta hura irakurtzera animatzeko

Aurreko edizioetan bezala, aurten irailaren 13 eta 14 egunetan egingo den ‘Egilea argitalpen mundu berrian’ Jardunaldiak arreta berezia jarriko du gure bazkideengan. Irailaren 14ko 17:00etan, ostiralez, hasiko da Azkuna Zentroan (Bilbo) haiei bereziki eskainitako espazio hau eta haien azken lanak aurkezteko aukera edukiko dute, bai eta une hauetan lantzen ari dituzten beste argitalpen proiektuei buruzko gorabeherak jendartearekin elkar banatzeko ere.

Bazkidearen booktuber uneak oso harrera ona du jendartearen aldetik, ekitaldi honek arrakasta itzela eduki baitu, eta bostgarren edizio honetan Abel Amutxategi, Ager Aguirre, Luis A. Bañeres, Cristina Gumuzio, Iñaki Sainz de Murieta, José Serna eta Jorge Urreta idazleak entzuteko aukera egongo da berriro ere. Horietaz gain, aurten lehen aldiz esperientzia hau biziko duten beste egile ugari dago, hala nola Daniel González, Ricardo Díez Pellejero, Natividad Alcalde, Javier Tejerina, Julio Santos, Concha Murua, Javier Otaola, Iñaki Martínez eta Marisol Ortiz de Zárate.

Xehetasunak

Idazle donostiarrak La mensajera del bosque eleberriarekin hartu du parte Amazon Literatura Sariaren edizio berrian

Maite R. Ochotorenaren azken eleberriak hilabete baino gutxiago darama merkatuan eta bere irakurleen aldetik kritika onak besterik ez ditu jaso. Donde habita el miedo eleberriaren arrakastaren ondoren, La mensajera de bosque izeneko suspense, magia eta misterio eleberri batekin iritsi da udako literatura denboraldira. Harekin hartuko du parte 2018ko Amazon Literatura Sarian.

Xehetasunak


Idazleak Esta noche moriré antzerki bakarrizketa interpretatuko du

Fernando Maríasek ‘Noches de teatro’ zikloa inauguratuko du gaur Menéndez Pelayo Nazioarteko Unibertsitatean (UIMP), Enrique eta Yeray Bazo (QYBazo) idazleek egile bilbotarraren eleberri baten moldaketarekin, Esta noche moriré bakarrizketa alegia. Emanaldia 22:00etan hasiko da Las Llamas Campusean.

Xehetasunak


Patria-ren egilea izango da lehen saioaren protagonista

Hilabete hasieran iragarri genuen moduan, irailaren 13 eta 14 egunetan  ‘Egilea argitalpen mundu berrian’ Jardunaldiaren edizio berri bat egingo dugu.     

Egilearen V Jardunaldiaren unerik erakargarrienetako bat, 13 arratsalderako Azkuna Zentroko Auditoriumean antolatzen ari duguna da, ‘Ustekabeko argitalpen arrakastak’ izenburua daramana, eta bertan Fernando Aramburu edukiko dugu. Egile donostiarrarekin batera Juan Cerezo bere argitaratzailea egongo da ere. Saioa 19:30etan hasiko da eta Euskadiko Idazleen Elkarteko (AEE/EIE) presidentea den María Eugenia Salaverri kazetariak moderatuko du; bai eta Roberto Herrero kazetariak eta EIE-ko kideak ere.

Xehetasunak


Bilbon aurkeztuko du bihar

Bihar asteartez, uztailak 17, José Ramón Blancok idatzitako Los amores de la duquesa. Último viaje de Lucrecia Borgia (Muelle de Uribitarte Editores) eleberria aurkeztuko da Cámara Liburu dendan (Euskalduna Kalea 6, Bilbo), 19:30etatik aurrera..