Xehetasunak

Elisa Rueda idazleak Artiumen gaur burutuko den 'Letras para el arte' ekimenean hartuko du parte. Rueda, 2003an Carmela Garciak ‘Paraiso’ izeneko sailaren baitan egindako ‘Sin título’ formatu handiko argazkiaz arituko da.

Argazki horretan, Carmela Garcíak imajinatzen duen paradisuaren bere ikuspegia islatu du, galdutako paradisuaren irudia, alegia. Bere ekoizpen ia osoan zehar gertatu bezala, paisaiaren handitasunari aurre egiten dioten emakumezkoak dira protagonista, paisaia garaikide baten aurrean jarritako Friedrichen koadro batetik irtendako emakumeak bailitzan.

Hitzordua da gaur, martxoak 10, asteartea, arratsaldeko 19:30ean. Aurtium Auditorioa. Frantzia Kalea, 24. Gasteiz. Sarrera libre eta daonekoa da.

Xehetasunak

Euskadiko Idazleen Elkarteak ongi etorria eman nahi dio Elías Mas Serra bazkide berriari. Poeta eta arkitektoa, Más Serra Euskal Herriko Unibertsitatearen eskutik Doktorea da.

Honako lan hauen egilea da: “Litúrgia de les hores”(1986), “Ab ortu solis”(1987), “Samos”(1989), “Trilogia Àtica”(1985-2007), “El jardí i les hores”(2008), “Itinerari”(2008), “La ciutat impossible”(2013) y, en castellano, “Poema urbano”(1991-2005), “Entre equinoccios”(1996-2007) “Puerta de carros”(2011) eta “Prefiero el pez” (1992-2005) antologia, besteak beste.

Honako Poesia Sariak jaso izan ditu: Rovira Redorta, 1985; Bergantí i Goleta, 1985 (accèssit); Miquel Martí Pol, 1986; Josep Munteis-Ciutat d’Olot, 1987; Enrique Ferrán-Revista El Ciervo, 1987; Jacint Verdaguer-Calldetenes, 1985,1986 eta 1989 eta, orain gutxi, Recull de Blanes Sarian finalista izan da (2008),  Mn. Narcís Saguer 2008ko Poesia Saria irabazi du Vallgorguinan eta Abadesen (Segovia) Luís Ayuso del Pozo Poesia Sarian ere gailendu da.

Xehetasunak

'Bilbao, 1492. ¡No hay huevos!' eleberriaren egilea “Conoce Bilbao con Esme' blogerako elkarrizketatu egin dute  

- Benetan, nolakoak garen bilbotarrok…  Amerika aurkitu dugula eta guzti pentsatzen dugu!
- Kontinente berrirako bidaia hari eroalea neukan alde batetik eta, bestalde, bilbotar bati gehien gustatzen zaiona apostua irabaztea zela ustea. Beraz, bi ideiak nahastu nituen eta segituan zergatik ez? pentsatu nuen

Elkarrizketa osoa.

Xehetasunak

Elena Sierra kazetariak Juan Carlos Márquez elkarrizketatu du eta El Correo egunkariko Territorios izeneko gehigarri kulturalean sakon aritu dira 'Los últimos' eleberriari buruz. "Genisiaren errebisio bat idatzi dut", dio elkarrizketaren titularrak; testuan Marquezek azaltzen du ‘Los últimos’ liburua idazteko gogoan izan dituela Bradbury eta Huxleyren eleberriak, bai eta Orwellen distopiak ere”.

ELKARRIZKETA

 

Xehetasunak

Juan Manuel Uria poetak eta argitaratzaileak Euskal Autonomia Erkidegoko hiru hiriburuetan aurkeztuko du  'Las huellas del límite', bere liburu berria. Gasteizen egingo da otsailaren 11n, asteazkena, arratsaldeko 18:30ean, Elkar Liburu-dendan (San Prudencio Kalea, 7). Elisa Rueda poetak lagunduko du aurkezpenean. Donostian, Jorge G. Aranguren poetak lagundua, hilaren 12an egingo da aurkezpena, osteguna, arratsaldeko 19:30ean, Zubieta Liburu-dendan (Gipuzkoa Plaza, 11). Bilbon,  Beñat Arginzoniz poetarekin batera aurkeztuko du liburua, otsailaren 13an, ostirala, arratsaldeko 19:00etan, Casa del Libro liburu-dendan (Urkixo Zumarkalea, 9).

“Gizakiak bere ibilbidearen aztarna uzten du. Aztarna horri, historia deitu ohi diogu”. Honelaxe dio bere hasieran 'Las huellas del límite' (Baile del Sol Argitaletxea) liburuaren atzealdeko testuak.