Xehetasunak


El Correo egunkariak euskal gizarteko pertsonak gonbidatu ditu Frank Gheryk diseinaturiko eraikina eta bere obrak berinterpretatzera

Bilboko Guggenheim Museoak 20 urte bete ditu eta aitzakia honekin El Correo egunkariak ‘Artciones’ izena daraman testigantza mapa zabal eta heterogeneo bat sortu du. Video sorkuntzatik, performanceetatik, literaturatik eta ilustraziotik abiatuz, artistek puzzle moduko kontakizun bat osatzen dute, museoan bere bizitzako bi hamarkadetan egindako erakusketa eta ekimen nagusien berrikusketa historiko bat eginez.

Pedro Ugarte, Fernando García Pañeda eta Luisa Etxenike, Euskadiko Idazleen Elkarteko kideek, idatzizko hiru testigantzarekin parte hartuko dute, beste hamazazpi egilerekin batera museo bilbotarrari egin zaion begirada literarioan, artearen munduan orain dela urte asko bilakatu baitzen nazioarteko erreferentzia, bai eta Bilboko suspertze sozial eta kulturalaren pieza gakoa ere, eta horregatik, Euskal Herri osokoa ere.

Xehetasunak


Sariaren ediziorik ugaritsuena izan da, Espainia osoko argitaletxe eta egileek 117 obra aurkeztuz

Pilar Adón, Carmen Valcárcel, Aurora Gil Bohorquez eta Manuel Moyanok osatzen duten XIV Setenil Sariko epaimahaiak bere saria Pedro Ugarteri ematea erabaki du gaur, urriak 25, Nuestra historia bere kontakizun liburuarengatik, 2016an argitaratua Páginas de Espuma argitaletxe madrildarraren eskutik. Molina de Segurako Udaleko Kultura Zinegotzigoak sustatua eta “ipunaren Oscar” moduan ezagutzen dena, Setenil Sariak 10.000 euroko dirusaria du liburu irabazlearen egilearentzako.

Xehetasunak


"Elogio a la diferencia” euskal intelektual talde baten irekiera eta eskuzabaltasun izpirituari omenaldia da

Gaurtik datorren urriaren 28ra arte Donostiako Koldo Mitxelenan Gipuzkoako Aldundiak antolaturiko jardunaldi batzuk egingo dira, XX mende erdialdean Academia Errante deiturikoa bultzatu zuten euskal intelektual taldearen irekiera eta eskuzabaltasun intelektuala gaur egungo gakoan berreskuratzeko helburuarekin.

Xehetasunak


Eleberriak hazkuntza, gainditzea eta erresilientzia jorratzen ditu

Bihar, urriak 25, 19:00etatik aurrera, Bilboko Azkuna Zentroa-Alhóndigan ‘Aurrez Aurre’ berri bat egingo da, María Eugenia Salaverri Euskadiko Idazleen Elkarteko (AEE/EIE) presidenteak moderatzen eta zuzentzen duen liburuei eskainitako espazioa alegia.

Honako honetan Carmen Amoraga izango da mintzalagun. Idazle valentziarrak Basta con vivir bere azken eleberria aurkeztuko du, emakumeen arteko elkartasunaren indarrari buruzkoa eta beste pertsona bati laguntza emateak gu geu salbatu gaitzakeela erakusten du.

Xehetasunak


Bihar hasiko du Iruñean aurkezpen aldi bat, Donostia, Lizarra eta Lesakara hedatuz

Ciento noventa espejos (Editorial Hiperión) liburuak 95 testu labur ditu, topaketak, bidaiak, irakurketak, kareta politikoak, musika plazerrak, artistetatik ikasitakoak eta pertsona anonimoek irakatsitakoak jasoz. Bere egileak “etiketatzeko zaila” dela aitortzen duen liburuaren zertzeladak dira, nahiz eta hitzaurrean pista bat eman: “Nire ustez pieza hauek prosazko soneto modukoak dira, bere ilunekin eta bere argiguneekin”.

Irazokik (Lesaka, 1954) Parisen idatzi zituen testu hauek, bertan bizi baita orain dela 24 urtetatik hona. 2009 eta 2016 artean, horiek guztiek 190 hitzekin osaturik dauden xelebretasuna dute, ez bat gehiago ez eta bat gutxiago ere. “Horietako hitz bakoitza ni gerturatzen naizen ispilu bat da”, azaltzen dio irakurleari lehenengo testuan.