Xehetasunak

 

"Hombres que caminan solos", José Ignacio Carneroren azken eleberria duela gutxi jarri dan salmentan, Literatura Random House argitaletxearen eskutik.

"Ama" eleberriarekin gaztelerazko 2020 Euskadi Literatura Sariaren finalistak bigarren eleberri honetan gizonezkoen unibertsoa jorratzen du, haien zaurgarritasuna, haien rol klasikoen haustura, haien munduaren gainbehera, desorientazioa, tristura, bakardadea, drogak, sexua, amodioa edota dirua.

Liburu honetan Carnerok “Ama” eleberriaren doinu autobiografikodun ahots narratiboa mantentzen du, fikziozko elementuekin modu librean jolastuz.

Xehetasunak

Pedro Fernández Puig idazlearen "El Fuerte de La Galea" aurkezten dugu, Ediciones Atlantis argitaletxearen eskutik.

Eleberri laburra da, nerabeei bereziki zuzendua, haientzako mezu argi eta zuzen batekin: telefono mugikorraren etengabeko erabileratik ihes egiteko gai izan ez arren, haien etorkizunari buruz erabakitzeko denbora apur bat erabili behar dute ere.

Bere egilearen hitzetan, eleberri honek “nerabezaroan irakurketa sustatzea bilatzen du, laburra, erraza, haien hizkerara egokitua eta mezu zuzena baitu. Aldi berean, haien gurasoek mundu gazte hori hobeago ulertuko du eleberria irakurri ondoren: Horregatik bien arteko konexio bide on bat izan daiteke, iritzi eta esperientziak elkar trukatzeko”.

Pedro Fernández Puigek esaten digunez, obra hau 2020ko urtarrilean amaitu zuen eta, “konfinamenduaren ondoren, liburu bat pandemia betean argitaratzea birusaren aurka borrokatzeko beste modu bat gehiago zela pentsatu nuen, gure bizitzak normalizatzen saiatzeko. Horregatik Atlantis argitaletxeak eskaini zidan aukera aprobetxatu nuen, egungo egoeran argitaratzeak dakartzan zailtasunak asko izan arren”.

“El fuerte de La Galea” pasa den 2020ko abenduaren 18an aurkeztu zen on-line formatuan YouTube kanal honen bitartez.

Xehetasunak

Mónica García Saizen "Sueños enredados" aurkezten dugu. Maitasun erotikoko eleberri honek “Amor enredado” trilogiaren azkenekoa da, "Palabras enredadas" eta "Pasiones enredadas" beste bi liburuek osatuz.

Istorio berri honek Mónica Garciarentzat zer nolako garrantzia izan duen galdetu diogu: “Trilogia hau 2017 urte hasieran idazten hasi nintzen. Idazketan 2013az geroztik neraman (lehenago hasi nintzen baina amaitu gabeko kontakizunak idazten nituen bakarrik). Nire lehen eleberria oso arrosak ziren, oso gazte garaikoak, eta zerbait ezberdina idatzi nahi izan nuen. Sexu esplizituzko eszena bakar bat ere ez nuen idatzi eta gutxienez bat narratzeko erronka jarri nion nire buruari. Wattpaden idatzi nuen guztiarekin zertxobait haustea nahi nuen ere, gaur egun ere idazle moduan aktibo jarraitzen dudan doako idazketa eta irakurketa plataformarekin alegia. Bertan amodiozko eleberri guztiek bere langileetako batekin maitemintzen den nagusiaren klixea jorratzen dute eta oso antzekoak dira: emakumea haurdun geratzen da, gizonezkoa da jokabide hotz eta urruna duena, emakumezkoa otzana da, beti dago lagunmin gay bat... Horrekin nekatu eta horrelako istorio bat kontatzea proposatu nuen, baina hainbeste irakurri nuen horrekin guztiarekin hautsiz. Gizonezkoa zergatik ezin da xamurra izan? Emakumezkoak zergatik ezin ditu bere helburu eta aspirazioak eduki? Horrela jaio zen trilogia hau, idazteko bi urte eman ditudana eta datorren urtean Amazonen ere etorriko den spin off batekin”.

Xehetasunak

2021 urtea 2020a amaitu genuen modu berean hasi dugu: gure bazkideen argitalpen berriak iragarriz.

Oraingoan Alazne Gonzálezen azken lana erakusten dizuegu. "Doble tentación" da obraren izena.

Erromantze erotikoa jorratzen duen eleberri hau pasa den abendutik dago eskuragarri.

“Tu piel en mi piel”, Alazne Gonzálezen lehen eleberriaren jarraipen moduan sortu da obra berri hau, nahiz eta modu independentean irakurri daitekeen ere, lehen liburuko protagonisten lagunik hoberenen istorioa jorratzen baitu.

Bere egilearen hitzetan, “Doble tentación idaztea esperientzia atsegingarria izan zen. Tu piel en mi piel nire lehen eleberriaren jarraipen moduan sortu zen ideia, ondoren istorio berriak berak hartuz garrantzia. Ekintza, suspentse, erromantze eta, noski, erotismo onez beteriko istorio bat da. Nagusiki Bilbon girotua, bere protagonistek muturreko egoera bat biziko dute, haien beldurrak aitortzera eramanez eta Tentazio Bikoitz bat bizitzea zein zaila den ulertzera eramanez ere”.

Xehetasunak

2020 amaitu da, denontzako bereziki konplexua eta desafiatzailea izan den urtea. Orain arte ezagutzen genuen moduko mundua eta gure bizi ohiturak Covid-19aren pandemiaren eraginez modu dramatikoan eraldatu dira. Ikuspuntu profesional eta pertsonaletik, une konplexuak eta nahasi eta aztoratu gaituzten egoerak bizi izan ditugu.

Begirada atzera bota nahi dugu orain amaitzen den urte honen zedarri eta alor positiboak nabarmentzeko.

Lehenik, gure bazkideak zoriondu nahi ditugu kultura eta sorkuntzarentzako hain zailak izan diren uneetan haien literatura jarduera mantendu izanagatik (eta zenbait kasutan hori biderkatzeagatik), eskerrik asko istorioak kontatzen jarraitzeagatik, zuen liburuekin gure alboan egoteagatik eta amets egiteko, emozionatzeko eta sentitzeko tresnak eskaintzeagatik!

Berrogeita hamar obra berri eta hamahuri kide berri

Konfinamenduen aurrean eta hainbeste jarduera presentzial bertan behera geratu izanaren aurrean, Euskadiko Idazleen Elkartetik gure ahaleginak bikoiztu ditugu gure bazkideen nobedadeei eta beste berri kulturalei gure kanal digitaletan are eta difusio gehiago emateko (gure web orrialdea eta Twitter, Facebook eta Instagram profilak).

2020an pozez eta ilusioz komunikatu ditugu argitalpen nobedade askoren plazaratzeak. Ia berrogeita hamar obra berri izan dira. Elkartetik arrakasta handiak opa diegu gure bazkideei haien liburu berriekin eta oraindik sortze prozesuan dauden horiekin.

AEE/EIEra 13 kide berriri ongi etorria eman diegu ere: Amelia Serraller, Alazne González, Juan F. Trillo, Kike Santamaría Urtiaga, Dory Lansorena, Mikel Santiago, Imanol Bueno Bernaola, Mónica García Saiz, Eduardo Luis Díaz Expósito, Antón Arriola, Idoia Carramiñana, Pedro Fernández Puig eta Manoli López Álvarez.