Miren E. Palaciosen azken olerki bilduma aurkezten dugu.
"Toco tu alma" du izenburu moduan, Palabras de Agua argitaletxeak plazaratu du, eta Elisa Tcatchen argazkiak ditu.
Miren E. Palaciosek berak islatu digu lerro hauetan obra berri honi buruz duen iritzia: “Argi, ilun, udaberri, uda, udazken eta negu artean gertatzen dira sekuentziak. Bostgarren olerki bilduma honetan bideak gurutzatzen diren nahiak existitzen dira, hurbil ditzagun, eta bizitza eguna bezalakoa izan dadila, gerorik existitzen ez den egunsenti bat. Hitz soil, lasai eta hurbilen bitartez zure arima ukituko dut. Konfiantza izan, bertsoek elkarrekin batasun hori eskainiko dizute, non magiak lasaitasuna emango dizun eta zure pausoek hoberen aurkitzen zaren tokira eramango zaituzten”.
Eskerrak eman nahi dizkiogu Miren E. Palaciosi bere hitzak eskaintzeagatik. Eta arrakasta handiak opa dizkiogu olerki bilduma berri honekin.
“Toco tu alma” liburuaren sinopsia
Poesia, beti poesia. Hitzen elkarketa askearen bitartez, emozioak adierazi eta lotzen dira, gure izanaren barrualdera begirada txikiak eraginez.
Olerkien artean edertasunez beteriko zertzelada ugari aurkitu ditzakegu, bertan amodioa, adiskidetasuna, desamodioa, bizitza eta heriotza elkar nahasiz, gizakiaren errealitatearen ikuspegi sakon eta argi bat sortuz. Lengoaian sentsibilitatea eta positibotasuna gidoi beraren zati diren hari eroaleak dira.